هذه أنــا بكـل المعنــى
إمــبــراطــورة أشـــعــــاري
=
ضــحــكـــة ألـــــــــــــــم
أنا يوم ميلادي صدف مولد المأســات
كبرت ومعي تكبر همومي ومأســــاتـي
أنا للأسى مرسى وأنا شاطئ الآهـــــات
ولا للأمل مرسى على شاطئ آهـــــــاتـي
أنا اليأس لي موطن وأنا موطن اللوعـــــات
تضيع السعـــاده بين يأسي ولوعـــــــاتي
أنا الماضي الهارب من الحاضر اللي آت
وأنا الحاضر الهارب من الماضي الآتـــي
مواطن بلا موطن ولا لي وطن وأثبــــات
سوى إني بشر حساس والأحساس إثباتـــي
أنا عادتي ماحسب على غيري الــــزلات
ولكن أبكي لاتذكــرت زلاتـــــــــــــــي
أنـا يـوم غيـري عـاش فـي دنيتـه لذات
أنـا أعيـش فـي عـزله والأمرار لذاتي
هناك ٣٨ تعليقًا:
ليش هذا الحزن كله عيوني؟
وليش هالكلمات القوية والمؤلمة؟
الانسان في لحظة يشعر فيها باليأس بس المفروض ما يخليه يتغلب عليه
الحياة حلوة لو حليتها في عينج
ومرة لو شفتيها بمنظور اسود
خليج قدها عيوني
وتأكدي انه اللي يصير ماهو غير ابتلاء من رب العالمين
وشوفي الحياة بمنظور ملون دائما
عيون الحب:
ياهلا وغلا والله ..
اسفرت وانورت..
هلا بالزين كله..
شوفي حبيبتي عندي مقولة تقول هذه الدنيا شرم برم والناس ترللي :))
والله يا عيون الحزن احس انه صاير ظلي وقت النهار..
وهمي وقت الليل..
بس الحمدلله انا بأوقات كثيره اضحك واجامل نفسي عشان اخفف عنها شويه عشان جذي اسمي نفسي ضحكة ألم
بس الله كريم :))
وانشالله الحياة حلوه ^_^
تسلمين حبيبتي على كلامج الحلو ريحني شوي :))
السلام عليكم :
اختي امبراطورة , أنا قريت تقريباً أكثر من 10 قصايد في مدونتكِ المصون .. وللأمانة , وبلا مجاملة .. أحس أن هه أجمل قصيدة قريتها في مدونتكم .. صح لسانج..
مواطن بلا موطن ولا لي وطن وأثبــــات
سوى إني بشر حساس والأحساس إثباتـــي
الله أكبر .. ما أروع هذا البيت
صح السانج يالغاليه ..
ما قريت القصيده كلها بس اول بيتين ولا حبيت اكملها مو عشان انها مو حلوه بالعكس انا عارف الامبراطوره وعارف قصايدها وعارف شنو تكتب بس ما عجبني الي تعكسه الكلمات من معنى ومن ذات الامبراطوره وتعكس نفسية الامبراطوره وهالشي الي ماعجبني وضايقني واحزني ماحبيت هالشي يكون بتفكيرج ...
الدنيا حلوه اذا كان الواحد يبيها حلوه وتكون شينه اذا الواحد يبيها شينه الدنيا الي نعيشها نقدر نمشيها على كيفنا صح راح نمر بمطبات كثيره وهذا الي لازم يصير لان بدون هالمطبات ماراح انتعلم وماراح نعرف الناس ,,,
لا تكون نظرتج بهالطريقه وانتي غير الي قلتيه وانا متاكد ,,,
اتمنالج الخير والصحه والسعاده واتركي نظرة الشئم يالغاليه لان الحياة حلوه لانج موجوده فشلون تكون هذي نظرتج اما على الناس فيهم الزين وفيهم الشين واذا الي مروا عليج شينيين فترى هناك الزينيين فخليج متفائله وان باجر احسن :)
عسى الله يفرج همج
وانشاءالله ماتشوفين اي هم
بس تفائلوا بالخير تجدوة
والدنيا حلوووة
مواطن بلا موطن ولا لي وطن وأثبــــات
سوى إني بشر حساس والأحساس إثباتـــي
أنا عادتي ماحسب على غيري الــــزلات
ولكن أبكي لاتذكــرت زلاتـــــــــــــــي
.
.
هالأبيات دخلت قلبي
رغم الألم اللي فيها
إلا إنها جميلة جدا
بس ربي يبعد عنج الحزن والهم :)
الحارث بن همام:
وعليكم السلام ورحمة الله وبركاته
هلا بأخوي الحارث..
يشرفني وجود قصيده نالت على اعجابك في ما قد كتبته..
وفعلأ مواطن بلا موطن ولا لي وطن واثبات
سوى اني بشر حساس والأحساس إثباتي :))
مشكور اخوي على استمرارك معاي :))
عبدالله الظفيري:
مرحبتين كبار كبار
هلااا بالغالي..
ها ما رديت للحين؟؟
هذا سبب تشاؤمي أنك مو موجود بالكويت تعال واصير مستانسه ^_^
شوف عبدالله انت تقول الدنيا فيها الحلو وفيها الشين وانا اوافقك الراي ومعاك بالنقطه هذه..
بس الشين فيها ترى جد قوي معاي وغطي على الحلوه اللي اخذها منها..
يعني مهما عشت لحظات حلوه اكيد بعدها راح تدبلها لي الدنيا بشي مو حلو
بس ربك كريم وماينسى عبده..
والله انا مو متشائمه ولا شي يكفي انه تجيني فترات استانس فيها ما افكر شنو راح يجي بعدها لأن اعرف شنو اللي راح يجي..
عشان جذي اخذت مبدأ عيش يومك وهذه انا عيش يومي :))
وأقرأ القصيده كامله وقولي رايك انطرك ^_^
عاليه:
مساء الخير يا وجه الخير..
اولا انا جد آسفه مقصره معاج ومامريتج صارلي فتره بس ابشري بالعوض ^_^
ثانيآ دام امثالج وشرواج موجودين انشالله بأذن الله ماكو هم يا قلبي..
ومشكوره عزيزتي على مرورج الكريم :))
SHAHAD :
فدييييت قلبج والله :))
وانشالله معاج الله يبعد الهم والحزن حبيبتي
عنا وعن المسلمين كلهم يا رب..
يسلموووو عالمرور يالغاليه ^_^
سلام عليكم جميعا
اول شي يسلمووو على المجهود الطيب
بس انا ناطر طلبي وعدتيني بس ما شفناه عن الخيانه
اي شي بس ابي اشوفه
وشكريات
الغالية امبراطورة الأحلام الحلوة
هذا ما يجب أن تكتبي عنه أيتها الشابة الحساسة الحلوة
يا ابنتي الحياة جميلة وحلوة بوجودكم الشباب والشابات الحلوين عيالنا
*******
مواضيعك حلوة وحساسة
و أفكارك عميقة
لكن لماذا هذا التشاؤم بالحياة
ابتسمي يا ابنتي حتى في أحلك الظروف
أتمنى البوست الجديد تكون فيه نظرتك للحياة أكثر إشراقا
مودتي
منى
الله يجعل ايامج فرح ان شاءالله
كلمات فيها حزن وحسره
ليش
:/
تفائلى
تعبيرج عجبنى
سوى إني بشر حساس والأحساس إثباتـــي
أنا عادتي ماحسب على غيري الــــزلات
ولكن أبكي لاتذكــرت زلاتـــــــــــــــي
ويا ريت نتعض من هالزلات ولا نطيح فيها مره ثانيه
بس ما ادرى شفينا
:/
مساج الله بالخير اخيتي الامبراطورة
ابعد الله عنج الحزن
و جعل السعادة رفيقا دائما لك
مساالورد والجوري
مسا الحلا والغلا
للغالين اللي حزنهم اذرفت له العين
غاليتي الامبراطورة
كم تعلمين انني اعشق هذه المدونه وصاحبتها لانها باختصار شديد تشعرني بدفء غير طبيعي
ينقلني من عالم الي عالم احلا وارقي
عن طريق عذوبة تلك الكلمات النابعه من احساس صادق
:)
ولكن هالمرة غير الكلمات مغلفة بهم وحزن يثقل علي القلب الجميل الذي تحمله الامبراطورة
جميل ان نشعر بالالم ولكن لنعبر به الي دنيا الفرح والتفاؤل بيوم مشرق باشراقة ابتسامتك الجميلة
جعل الله ايامك كلها فرح وتفاؤل
ابدا
دمت بدفء وعذوبه
ابدا
ودون احزان آمين
:)
s.w.a.t:
هلاااا وغلاااا بالغلااا..
الله يعطيك العافيه على متابعتك لي وطلبك موجود انا كنت انطرك قلت يمكن تبي شي معين..
بس اذا تبي الخيانه بذاتها ابشر يالغالي غالي والطلب رخيص :))
اشكر مرورك الكريم ^_^
برنسيس إيكاروس:
ياهلا باللي زارنا والله نورتينا يالغاليه..
الاحلام احلى منها ماكو وانا اسميها عالمي الخاص
لاتخلو ليله من ليالي الامبراطوره دون هذه الاحلام
ولكن الواقع اهو الواقع.. يجب ان نعترف فيه..
ولازم الواقع يطبع بصمته على الشخص..
الحمدلله الواحد يقدر يتظاهر بغير حقيقته وهذه لها سلبيات ولها ايجابيات على حسب تظاهر الشخص..
بس بالاخير تبين الحقيقه..
حلوه الحياة وانا معاكم بالكلام هذا..
بس حبيت انقل لكم شي داخلي كان ودي اطلعه..
ولا انا الحمدلله مستانسه وعايشه بخير :))
اشكر كلامج العسل مثلج واتمنى تواصلج معاي ^_*
charisma:
امين حبيبتي انشالله يبعد الهم والحزن عن الجميع..
وصدقيني بوجهة نظري ان الاحساس اهو ذات الانسان...
والانسان بدون احساس ما اسميه بشر :))
دمتي لي يالغاليه ^_^
عثماني:
يسلمووووو اخوي عثماني..
ربي يخليك لعين ترجيك..
ويسعدك في حياتك :))
فراوله:
غاليتي فراوله..
الشخص اللي دخل قلبي فعلآ وعن جد اتكلم وحبيته وله مكانه بقلبي..
ممكن اقدر اقول عرفت نوعيته وعجبني ستايله وتفكيره من خلال كتاباته اهو انتي يا فـــراولــــه
هلا بالزين كله ..
فراوله الحزن موجود بكل شخص مثله مثل الفرح..
بس انا احس حزني كثر علي يعني خلاص ابيه يتركني شويه اعيش لحظات اكون متأكده بعدها ماراح يردلي عرفتي شلون؟؟
بس انا امني نفسي واضحك ضحكات ألم عشان اواصل هالدنيا..
وربي يافراوله انا اضحك مع الناس واسولف وعرفت التدوين وابي اكتب كل شي حلو ويفرح..
بس بنفس الوقت حزني صدقيني يعز علي ولازم اعطيه حقه من كتاباتي..
عل وعسى يعطيني انا بعد حقي منه في يوم من الايام ..
لاتقاطعينا يا فراوله واستمري معاي انشالله تشوفين اللي يفرحج..
حبوبة امبراطورة
الجمال والدلال
مساء الأنوار
مري على مدونتي
فهناك هدية تنتظرك
مودتي
منى
كتبتي من سطـور الحب حجي وافي ورســالات
وبكتبلج انا اعجابي وتقديري برسالاتي
تسلمين
افا افا يا امبراطووره ليش كل هالحزن ؟؟ :((
كـــ عام وانتي بخير ـــل :)
كلنا ضيوف في هالدنيا
واذا طافت علينا لحظة حزن
لابد ننساها ونرميها ورا ظهورنا
ونعيش الحياة بلذاتها كلها
ودمتم بحب وود بلا حزن ولا عزلة
ييت أسلم عليج وآخذ أخبارج
لقيت بوستج مؤلم
تفائلي يالغالية وطردي الآهات من حياتج
حتى لو كنتي تشوفينها بكل ركن
تقاضي وغمضي عينج عنها
عسى ربي ينور حياتج :>
سلاماتك من المآسي
واتمنى ان حياتك تكون كلها سعاده و
فرح
كلمه وحده اقولك اياها
مافي شي يسوى
برنسيس إيكاروس:
اشكرج كل الشكر حبيبتي على الهديه..
والسموحه لأني تأخرت على ماشفتها..
لان والله لظروف عندنا ماقدرت ادخل واشوف..
وانشالله وعد مني ارد الهديه بأحلى منها يالغاليه :))
SolaimaN:
يسلمووووو سليمان مشكوووور..
اي هذا الحجي السنع اللي يرد الروح :)
شفت شحلاتك لما تكون بينا وتعلق على مواضيعنا؟؟ بالامانه مو احلى من انك تقطع عنا؟؟
بس الحمدلله اتخذت القرار الصحيح بقعدتك معانا..
شرفتنا يالغالي :))
Shather:
هلا وغلا بالغلا كله..
ياقلبي فديتج هذا جانب من حياتي له حق على اني اكتب عنه ..
وحبيت ابينه للموجودين عل وعسى اقدر ارضيه ويستانس منى ويكافئني بالسعاده شويه :))
بس دامكم انتوا معاي الحمدلله الحياة حلوووه ^_^
sologa-bologa:
هلا والله بالضيفه الغاليه...
استهلت وامطرت..
اسفرت وانورت بالغلا..
اولا مشكوره على مرورج على مدونتي وارحب فيج اتمنى تكوني موجوده معاي دايما..
وفعلا احنا ضيوف بالدنيا ولازم ناخذ نصيبنا منها :)
شكرا مره ثانيه يالغلا ودمتي لي بحب :))
عبدالله الظفــيري:
اهلين وسهلين بكامل الزين..
وانت بخير وصحه وسلامه يالغالي..
ومبارك عليك الشهر عساك تصومه كل سنه وسنه انت والمسلمين اجمعين :))
Aldenya:
حبيبتي الدنيا..
ربي ينور دربج وين ماتروحين..
ومشكوره على الكلام الحلو ماقصرتي يالغاليه..
وتر:
الله يسلمكم من كل شر والله..
وعسى السعاده فال الجميع بأذن الله..
واشكر مروركم الجميل والخفيف على مدونتي وعلى قلبي :))
الأستاذ بلاليط:
أستاذي الفاضل..
أستاذي الغالي..
ضايقني غيابك عن مدونتي لفتره عسى يكون المانع خير..
ولكن اليوم السعاده موجوده لوجودك يالغالي..
حياك الله اليوم ودوم..
وتسلم على الكلام وانا شفت نفسي فعلا معاكم واحسب لكم حساب عشان جذي حبيت اشاركم بحزني لأن كلامكم يخفف عني يالغالي..
ودمت لي بسعاده :))
Barrak:
هلا اخوي برااااك..
انت تقول ماكو شي يسوى..
انا بقولك ماعمرك سويت شي وتضاااايقت من ردة الفعل اللي انعكست عليك منه حيييل؟؟
يعني سويت شي وبالأخير قالوا انك ماسويت شي؟؟
اذا تضايقت حزتها بقولك ترى فيه شي يسوى..
والمشكله اللي قلتلك سويتها يا براك دشيت على الداش بورد ونفس الشي ماينزل التعليق..
ومشكور يالغاي ماقصرت :))
عزيتي الأمبراطورة أنتي فعلا أسم على مسمى
كلمات تقطع القلب
طالعه من قلب طيب وحنون
من هذا الزمن مكانه
كلمات شفافه ومعتقه بالأنسانيه
هذا أول مرور لي بمدونتك
وأشكر الصدفة اللي منحتني
هالفرصة الذهبية
وبس
بـابـل
إرسال تعليق