الى أحبائي فالله
الي من جمعني بهم البلوق دون سابق ميعاد
الي كل من اتشوق لزيارته
الي كل من اسعدني بحضوره
أستأذنكم لقضاء وقت الإجازه في القاهره
وأنشالله ما أصادف اللي صادفهم اخوي عثماني
ويكون سايقنا عاطف بعيد كل البعد عن سايق عثماني فوده :))
لذلك استودعكم الله
وأشوفكم على خير ^_^
هناك ٤٣ تعليقًا:
تروحين وترجعين بالسلامة
فعلا راح نشتاقلج
وأتمنى لج إجازة ممتعة وسعيدة : )
بانتظارج في كل وقت ..
مساالورد والجوري
غاليتي الامبراطورة
الله معاج
ويحفظج الرحمن من كل شر انتي واللي معاج
وانشاءالله تستانسين
بس لا تنسينا
وسلميلي علي كل شبر بالقاهرة
دمت بحب وود
ابدا
:)
مسا الخير
تروحين وتردين بالسلامة اختي امبراطورة
ديري بالج على عمرج و استانسي عني و عنج ^_^
تروحين وترجعين بالسلامة عيوني
ان شاء الله تستانسين هناك
وديري بالج على عمرج عيوني :)
تروحين وترجعين بالسلامه واجازه سعيده :)
مراسلج من امريكا :)
تروحين وتردين بالسلامة
والله يسهل دربج
كل سنه وإنتي طيبه
hehehehehehehehehe
الله يعينج على طرارتهم
ما يخلون أحد بحاله
حاولي ما تلبسين غتره وعقال
علشان لا يدرون إنج خليجيه
;p
بالسلامة إنشاله.. وإجازة سعيدة
:)
عاد قلنا مسافره بس على الاقل فكري فينا شوي :)
طمنينا عليج :)
تروحييين و ترديين بالسلامه ان شاء الله و استمتعي :))))
و ادري ان صارلي فتره ما دخلت بلوقج ..
بس ما شاء الله اقولج اشعاارج عجييبه
منها الى الاعلى
و منتظره رجعتج و جديدج
لا تبطيين يالغاليه
اي يبا لنا الله حتى ماخطرنا على بالج ترى كله 5 دقايق تردين علينا وبس ..
بس ماعندي شي اقووله بس حسابج لين ترجعين راح نسويلج محكمه بلوقيه ...
ديري بالج على نفسج وبالتوفيق واستانسي :)
مساء الخير يالغاليه :)
لج وحشه وشوق بس دامج مستانسه هالشي يكفي بس لو سمحتي لو سمحتي لا تنسين صوغتي مو اجيبين هرم صغير والا ابو الهوول وتقولين هذي صوغه اهم شي الصوغه ,,,
ترجعين بالسلامه :)
مساج الله بكل خير اخيتي الامبراطورة
نورتي مصر يا فندم
كل سنة و انتي طيبة
ترى دزيت لج فودة ينطرج بالمطار بس ما لقاج ...و الحمدلله
استمتعي يا اختاه ...تابعي البشر و تفحصي تصرفاتهم ... و انتظر ان تكتبي شيئا عن هذه الرحلة عند عودتك سالمة ان شاء الله
تروحين وتردين بالسلامه
ويارب تستمتعين بهالاجازه وتييبين لنا جم هرم صغيرون على شويت اثار
اتمنالج من كل قلبي سفره مميزه
والله لايقعدج يم واحد نفس اللى قال لنا عثماني عنه اللى قعد يمه بالطياه اللى يسوي كور
تروحين وترجعييييييين بسلامه
انشالله
للصبر اخر ,,,
يالله مابقا شي العد التنازلي شغال,,
انشالله تكونين بخير ومستانسه وصحتج ميه ميه :)
يقولون الوصول قرب :)
حمدلله على السلامه يالغاليه :)
شكلج نسيتينا الله يالدنيا :(
استودع الله دينك وامانتك وخواتيم اعمالك
ترجعين بالسلامه انشاءالله
سمعت طراطيش كلام ان الامبراطوووره مريضه هل هذا الكلام صحيح يالغاليه ؟؟
ماتشوفين شر وحمدلله على السلامه :)
اول سلام عليكم ورحمه الله وبركاته
والله وانا اتعبث بالمواقع ما ادري شلن دشيت على البلوق هذا بس والله وانا اقرا اندمجت ....
فكل الشكر لج يا اختي العزيزه والى الامــــــــــــام
والله وانا ادش في المواقع دشيت على موقعج بس ماشالله موقع كوووول ويعطيج العافيه على المجهود الطيب
ويسلمووووو:)
SHAHAD :
الله يسلمج يالغاليه.. وانا اللي جد مشتاقتلكم
ورديت وانا كلي وله لزيارتكم وقراءة جديدكم..
تسلمين يالغاليه :))
فراوله:
هلا وغلا ومرحبا بالزين كله..
صباح البلوق الحلو مع فراوله اكيد أحلى..
والله لج وحشه يالغاليه.. وانا عمري مانسيتكم.. دايمآ فالقلب..
ومصر السنه هذه غير.. تدرين اللي داخلها من الخليجيين بس جم؟ 3 مليون.. حدها زحمه بس مع زحمتها وناسه وحلوه :))
بنت الأجاويد:
صباح الخير يا وجه الخير..
الله يسلمج يالغاليه واستانست الحمدلله وبعطيج من وناستي :))
عيون الحب:
الله يسلمج يالغلا..
صحيح ما اخذت اللاب توب معاي بس تمنيت اني ماخذته لأني فعلآ اشتقتلكم :))
عبدالله الظفيري:
هلا بالمسك والعزد والعنبر..
الله يسلمك يالغالي..
ها انا رديت للكويت وانت متى الرده انشالله؟؟
اشوفك طولت!! ولا جازلك الوضع بأمريكا؟؟
اولا مشكور على البوست الجميل كروح صاحبه ماقصرت يالغلا..
ثانيا والله اني هناك افكر فيكم واذا فيه محاكمه بلوقيه فهي راح تصير عليك مو علي تدري ليش؟؟
لان انا عذري معاي ماعندي لاب توب بس انت اللي عندك وكتبت موضوع لي يومك هذا ماكملته وعلقتنا بالله عليك ماتقولنا شنو الاسباب؟؟
الله يعينك على المحاكمه :))
واذا تبي الصوغه ابشر موجوده بس بالاول ابي جوائزي الثلاث اللي فزت فيهم وللحين ماشفت منك شي :((
بعدها اعطيك صوغتك بالحفظ والصون :))
والطراطيش يالله دخيلك من وين سمعتها؟؟
فعلأ طاحت على الصخونه وتعبت حدي وكورس ابر مانفع معاي بس الحمدلله الحين احسن الصحه عال العال :))
تسلملي عبووود على سؤالك ماقصرت يالغالي ^_^
Mamloo7a Q8ia:
الله يسلمج يالغلا فديتج ^_*
hamdool :
وانت طيب :))
ياكثر ماسمعت هالجمله هناك
"كل سنه وانتي طيبه"
والطراروه والله لو بيدهم يدشون عليك وانت بغرفتك ويطرون..
تدري صارتلي سالفه.. كنت سهرانه ولما طلعنا وركبنا السياره ولا وحده تطر وعطيتها المقسوم عاد صج مبلغ لان ماكان عندي خرده المهم صاحبتها فوق شينه قوات عينه مو راضيه وتقول ربنا يخليك لشبابك ربنا يستر عليك كمان زيديني ياستي.. قلتلها شنو حلاو اخو؟؟
قالت والنبي ابني عيان وعاوز عمليه قلتلها اللي عطيتج يسوي للعايله كلها عمليات مو بس ابنج.. المهم مو راضيه تروح قلتلها والله ماعندي خلاص قالت الا عندك قلت شنو عندي قالت سترك !! انا اهنيه فقدت خلاص
جان انزل عليها والله ابي ازنطها ويتدخلون اللي بالشارع واقفين قلت مو باقي اللا ابيعلج عرضي يا ؟؟؟؟؟
والله اعمل خير شر تلقى..
بس فيه ناس ماشالله تعطيهم سيدا يروحون :))
بوغازي:
الله يسلمك واتمنى اجازه سعيده لك بعد :))
Shather:
الله يسلمج يالغلا نورتينا..
اخيرآ ذكرتينا..
اتمنى ماتتكرر القطاعه عزيزتي :))
عثماني:
ياصباح الخير اخوي عثماني..
نورت مصر يافندم :))
صحيح انا مالقيت فوده بالمطار بس طلع عاطف مو هين داهيه والله...
تدري مره قلتله ابي مكان اسهر فيه غير اللي اروحلهم دايما..
قالي فيه مكان انما ايه ازبطك فيه قلت يالله على ايدك مشينا..
تدري عاد وين وداني؟؟
تخيل مرقص!! وكل اللي فيه شباب وماصدقوا بنت دخلت يقولي القرصون ارقصي عشان ينقطون عليج !!
قلتله لابوك ولابو عاطف ولابو اللي يجي اهنيه..
مسكت عاطف مع مقفاه وقلت امش شنو المكان هذا؟؟ قالي والله ياستي دول فيه عوايل هنا محجوزتلهم الطاوله بس السهره لسا مابلشت عشان كدا العوايل لسا ماقوش..
قلت وينك يافوده على خياستك يمكن توديني لمكان انظف من هذا :((
Shaima'a Alkandari :
الله يسلمج حبيبتي.. فعلا هذه الاجازه اللي كنت انتظرها عالأقل الواحد يستانس شوي..
جبتلج هرم صغير ارسله لج انشالله..
وبالطياره بالروحه قاعده يمي اختي وبالرده قاعد يمي صعيدي ماشالله محترم بس ماخلا شي بالطياره الا اكله :))
ابو شملان:
الله يسلمك اخوي وشاكره مرورك :))
سالفة قلب:
الله يسلمك ماتقصر :))
LONLY:
وعليكم السلام ورحمة الله وبركاته
مشكور على المرور الكريم اتمنى تواصلك معاي ^_*
غير معروف:
الله يعافيك عزيزي وبسلمك الرحمن ويخليك لعين ترجيك..
اتمنى اعادة الزياره مره اخرى :))
حمدلله على سلامتج وماتشوفين شر يالغاليه :)
والي سويته شوي بحقج بس تدرين شنو الي مضايقني ومكدرني ؟؟
ديري بالج على نفسج وبالتوفيق تو مانورت الكويت وانا رجعتي خليتها 3-9 عشان تفتكين مني :)
شدي حيلج
عبدالله الظفيري:
يا مرحبتين والله..
اصلا الكويت اذا نورت اكيد النور مو كافي الا برجعتك لنا يالغالي..
بعدين 3\9 حده بعيييد بس الله يعين :(
وشنو اللي مضايقك ومكدرك افا عليك بعينا بالسوق ؟؟
ترجعين بالسلامة .. كوني خير سفيرة لدينكِ ووطنكِ :)
تسلمين يالغاليه ماقصرتي :)
اشتريت بالغالي يالغاليه والايام بسرعه تمشي والله ودي امدد بعد بس ما اقدر والا النيه موجوووده بس على الله,,
تصحيح اشتريج بالغالي يالغاليه وعسا الله لا يحرمني من هالطيبه بس بعدين تعرفين
وين الموضوع حتى لين اعلق صار بطيئ غبر البلوق لان مافيه موضوع جديد
إرسال تعليق