صباح ومساء الخير لأعز ناسي :))
اليوم بقولكم سالفة ايميل وصلني من احد الأخوان جزاه الله خير ماقصر على الكلام اللي ذكره..
يقول الأخ بالإميل :
مرحبا الامبراطوووره.. شلونج ..
مواضيعج حلوه ماعليها بس حبيت ابلغج ان الناس ماتوقف على البلوقات بس
بالعكس تزور اماكن ثانيه وتشوف
واذا انتي ماعدلتي الخطأ اللي تسوينه من الحين صدقيني راح تخسرين كل اللي يزورونج!!
انتي مواضيعج كلها نسخ بنسخ .. ليش ماتكتبين شي من عندج من إبداعج انتي؟؟
لأن كل اللي كاتبته انا محصله بأماكن كثيره
طيب يا أخي العزيز أنا برد عليك وبفهمك من خلال البلوق وجدام اللي يزوروني كلهم عشان الكلام يصير واضح
أولآ أنا سميت نفسي بالبلوق إمبراطورة أشعاري
تدري ليش لأني أحب أكتب شعر ولما أقولك أكتب شعر معناها إني أنا اللي أكتب ما أنسخ
وإذا كانت أفكاري اللي داخل راسي منسوخه الله يعين صار كل شي منسوخ
ثانيآ انا لما بنزل قصيده احب اكتب عليها موضوع او قصه
عشان اوضح معنى القصيده
وابي ابلغك ان المواضيع والقصص انا اللي كاتبتها بعد من راسي مو ناسختها :))
لأن انا داشه بالبلوق بقول اللي عندي افيد واستفيد
ماله داعي انسخ وانسب الشي لي أنا
المهم يالغالي اتمنى تقولي انت وين شايف مواضيعي مع اني متأكده انها موجوده بس ببلوقي
والكل اللي يزورني ويقرا اللي كاتبته اذا منسوخ راح يبين ويقولي ان كلامج منسوخ واذا شايفه بمواقع ثانيه هم بعد يقولي
وتسلمون لي وتسلملي طلتكم على عساني مانحرم منها
^_^
شعري أبد ماكان وهم وتخاريف
ولا حتى لفلان ينسب إليــا
ماهمني حكي البشر لتواصيف
يكفي أنا بكيفي خيالي بديــا
حرن كفخ شعري تعلى المشاريف
ماجابلي غير الجزيله هنيــا
وأعبر أنا بحري بليا مجاديف
ماهمني موجن تلاطم عليـــا
وشعري بقدي ولو فيه تحريف
أبسلطه الخاطر وأسميه غيـــا
وأكتب الإمبراطوره كذا من باب تعريف
وماهمها قول البشر خط إديـــا
اللي خلق روس الجبال المناكيف
خالق الإمبراطوره ماعليها أذيــا
ومافيه داعي أخطف الهرج والزيف
هـذا بعـض مايـمـلي خيـالي عليـــا
وربــي وأمـانه مابقـالي تحاسـيف
عـلى الـذي قضـى حيـاتـه جنيـــا
وأخـتــم بـقـولي ومابـقـالي مكـالـيف
كـن الشعــر وقــف ودق لــي تحيـــــا
هناك ٣٨ تعليقًا:
الساعه 3:22 صباحا سهران وقلت لازم امر على بلوقج لاني كنت مقصر بحقج وبحق الكثير من الناس بس موبيدي ترى اول مره اشبك من اخر مره شبكت فيها واتمنى العذر والسموحه :)
اما على الشعر يدق تحيه ترى مو بس الشعر هم انا ادقلج تحيه واستعداد وثبات لانج تستاهلين هالشي مو عشان انتي اكبر رتبه بالعكس لانج انسانه تستاهلين وواجب علينا هالشي لانج ابدعتي لان كل واحد يسوي شي مفيد كل الناس تدقله تحيه وانتي وحده من هالناس الي يبدعون باشياء موجوده بالناس بس مايعرفون يستخدمونها وفيج اشياء بسيطه بس لانها فيج فتكون كبيره لانها نابعه منج وبطريقتج وطريقة تعاملج معاها ويعطيج العافيه واذا كانت مواضيعج منسوخه والا مو منسوخه هم مبدعه وانسانه تستحق الحب الي من الناس :)
تكلمت وايد بس يطلع الكلام من غير ما اقدر اوقفه ولازم اكتبه :)
بالتوفيق
عبدالله الظفيري:
طلع النور من التنور
يا هلا وغلا
اشكرك جزيل الشكر يا عبدالله على الكلام العسل مثلك
واجد اللي قلته بحقي
والعين ماتعلى عالحاجب في دق التحيه ^_^
وفعلآ انت مقصر معانا بالبلوق وحتى موضوعك ماكملته عسى ماشر؟؟
المهم انشالله تروح وترد بالسلامه اختنا ساره مطر
وانت كمل موضوعك لاتتكاسل يا شاطر ^_*
دمت لي صديقآ يا عبدالله :))
مساج الله باخير اخيتي الامبراطورة
صح السانج... اول شي
مع احترامي للبعث لج الايميل ... بس اثبات موضوع النسخ و النقل سهل... يكفي انه يقدم اثباتاته ...لكن واضح ان ماكو اثباتات ولا شي
الى الامام ... امبراطورة ... و بانتظار المزيد
مساء الخير
:)
والله يا عزيزتى الناس مشكاهم لله
اسلوبج حلو ماشاءالله عليج
ولا يوقفج شى
سلام عليكم .. ومساكِ الله بالخير ..
صاحب الرسالة مشكور على رسالته إن كان ناصحاً , وحياه الله إن كان ناقداً , و مسموح إذا كان يقصد أمراً آخراً
ولا يمنع أن يكون أحداً هو الذي سرق أفكارك بعدما أُعجب بها .. لا أستبعد ذلك ..
Take it Easy Ya 3azeezy ;)
دايما خلي ثقتج بنفسج كبيره
واساس النقد ان الشخص يطرح موضوع ومن ثم يشرحه ويبين سلبياته وبالنهايه
يطرح الحلول
وبما ان النقد الذي وصلك بالايميل ان جاز التعبير ليس نقدا اذا
اعتبري الكلام هوى
انا عن نفسي اقول مثل ماسويتي للايميل ديليت من صفحتك
سويله ديليت من تفكيرج
ومافيه داعي أخطف الهرج والزيف
هـذا بعـض مايـمـلي خيـالي عليـــا
وتقول ليش تسموني الامبراطوره
استمري سيدتي
وكل يرى الناس بعين طبعه
عيل لو تشوفين الايميلات اللي توصلني
جان سكرتي البلوج
عثماني..
مساك الله بالنور والورد والبلور اخوي عثماني..
صح بدنك يالغالي..
هلا باللي راح لمصر وخرب الدنيا ورجع لنا :))
صح سهل اثبات موضوع النسخ والنقل عشان جذي انا قلت عطني اثباتك جدام الناس..
وانتظر منه الرد :))
أشكرك اخوي وحياك بعد الغيبه اتمنى ماتعيدها مره ثانيه ^_^
charisma:
ياهلا وغلا مساء العسل لأحلى كاريزما ^_*
تسلمين يالغاليه
ربي يخليج لي ولايحرمني من طلتج..
دمتي لي للأبد عزيزتي :)))
الأستاذ بلاليط:
استاذي الغالي..
مرحبااا ملاييين ولايسدن..
اشكرك جزيل الشكر استاذي على الكلام الحلو الكثير في حقي..
واللي كتب الايميل يمكن على حسن نيه ويمكن اختلطت عليه الامور ويمكن يبي يرفع ضغطي الله اعلم :))
وانا حبيت اوضح له شي اتمنى يفهمه عدل..
تحياتي لك استاذي الفاضل..
فعلآ وجودك يعني لي الكثير ..
الحارث بن همام:
وعليكم السلام ورحمة الله وبركاته..
اهلين وسهلين.. اسفرت وانورت..
عدل كلامك..
حياه الله مهما كان سواء ناقدآ او ناصحآ ولولا النقد ماعرفنا الصح من الغلط..
وجهة نظر اتقبلها من صاحب الايميل ومن غيره..
تحياتي لك يالغالي ولا تقاطعنا :))
barrak:
هلا باللي لفاني يا هلابه..
عدد دقات قلبي في غيابه..
هلا بالغالي يا مرحباااا..
الحمدلله الثقه موجوده وعلى اساسها انا طرحت الموضوع اليوم لأن ثقتي بنفسي وباللي اكتبه كبيره لا غرور ولا غيره لأن الشي اذا مو واثقه فيه ولا ادري انه راح يلاقي صدى واستحسان من الغير صدقني ما انزله بالبلوق..
وانا ارحب بالنقد سواء بناء او غيره..
والدليت شي سهل يا كثر ماسويته بحياتي :))
ومافيه داعي اخطف الهرج والزيف..
هذا بعض مايملي خيالي عليــا..
معناه دام عندي راس راح اسوي سوة الناس واكتب كل مايجول بخاطري من افكار ماله داعي انسخ كبرنا على هالسوالف ^_^
تسلملي يا براك عزيز وغالي..
طيب قولي شنو الايميلات اللي توصلك؟؟
يمكن نلاقي لها حل!!
ترى ماراح اعلم ولا راح اقول اي شي ولا راح انزل كلامك واقول هذه ايميلات براك كلش ماراح اسوي شي انت بس قولي واترك الباقي علي ماكو احد يدش عالم البلوقات الا واخليه يعرف سالفةايميلاتك انت تمتع بالرحله واترك القياده لنا :))))))
دمت لي عزيزي يالغالي ^_*
مادري ليش كل ما الناس شافت احد يكتب وعنده قدره على الشعر قالت منسووخ
عموما حبيبتي خللي ثقتج كبيرة بنفسج
وصدقيني كتاباتج كلها تعكس مدى صدقج وشفافيتج ووضوحج
والدليل زوارج الكثار ومحبينج :))
استمري واحنا معاج
SHAHAD:
يسلمووو شهد حبيبتي ماقصرتي كلامج يفرحني يالغاليه..
ومثل ماقلت لأخواني الحمدلله الثقه موجوده..
وماعليج بظل اكتب واكتب وانشالله زواري راح يكثرون مو مثل قوله راح اخسرهم ^_*
يمكن اللى كتبلج هالإيميل
نسى إن يمكن المواضيع اللى قراهم بمكان ثاني يكونون منسوخين من بلوقج
ترا واايد تصير
تكون كاتب موضوع وفجأة تلقاه في منتدى او موقع ثاني بأسم واحد ماتعرفه
لكن يبين اذا كان الشخص اهو اللى يكتب او انه ينسخ
وانتي ماشاء الله اللى يتابعج يلاحظ إن اسلوبج واحد وقصائدج وكلماتج جميلة جدا
أستمري
تحياتي لج
امبراطورة
لا تخلين مثقال الحجر بدينار
الناس اجناس وانا اخوج
وخلي القافله تسير بكل ابداع
كملي مسيرتج الحلوه
وخلي الناس تقرا كتاباتج المعبره
واشعارج العسل
ولا يهمج عذالج
وبالتوفيق انشاالله
اسف اختي الامبراطوره
كان هناك خطأ بالتعبير
انا قصدي لو تشوفين الايميلات اللي توصلني انا فيها نقد ابد مو بناء على ماأكتب
اللي مطلعني بوّاق واللي مخليني حرامي
واللي يقول انت وينك وين الاحساس وهلم جر
واللي واللي
يمكن يكون كلامهم صح
بس الاكيد ان القافله تسير
يمكن كلامهم
يابعد عمري وقلبي
يابعد حي وميتي
يااغلي امبراطورة بقلبي انتي
يابعد كل شي بالدنيا غالي عندي
سامحيني والله ماادري شلون صارت هالشغلة
وشلون نسيت ارد علي اغلي الناس
وانتي منهم طبعا وشهادتي فيج مجروحه
يانظر العين ونبض القلب
انتي
منج السموحة وزعلج علي الراس من فوق
ولج مني الترضاوه اللي اتطيب خاطرج بعد
دمت بحب
ابدا
وابيج تقرين ردي عليج بمدونتي
وانا ادين لج باعتذار علني امام كل زوار مدونتج الكرام
وهذا وعد مني لج يالغالية
:)
مساكل شي حلوووووو بالدنيا هذي كلها
لاغلي واعز وارقي الناس
سيدتي الراقية ابدا
ماحييت
الامبراطورة
اصلا شهادتنا فيج كلنا مجروحه
وكل شي تكتبينه يوصل للقلب لان طالع فعلا من القلب
يانبض القلب
انتي
حبيبتي استمري كما انت
والا الامام..وسكري اذونج عن كل شي لان لوبنسمع كلام الناس
بنتعب كثيييييييير
وقوليلي اذا لين اللحين زعلانه
عشان ايي لين عندج وابوسج علي راسج
واطيب خاطرج
يانور القلب انتي
والله اني اغليج بغلات الروح
دمت لي غالية واكثر
ابدا
:)
كلام الناس مايخلص ولا راح يخلص
اذا انتي واثقة من عمرج
لا تسويلهم سالفة وتصدعين راسج
انتي ماشاء الله عليج قدها وقدود
وكفاية الشعر اللي كتبتيه رد على كلامه
تحياتي المعطرة لج :)
يعطيج العافية وواثق الخطوة يمشى ملكا عزيزتى
7osen:
اهلين.. لا ماكان قصده مثل اللي تقوله..
لأنه يقول حاولي تكتبين شي من ابداعج انتي..
واذا استمريتي بالنسخ راح تخسرين زوارج لأنهم راح يشوفون نفس الكلام بمكان ثاني..
وعشان جذي انا كتبتله قصيده على الموقف اللي صار هذا واتمنى انه مايقول انها منسوخه ولا رحنا فيها بعدين اذا كل شي بخاطري منسوخ :))
تسلملي يالغالي :)
مجهول:
تسلملي اخوي عالكلام والمؤازره
بس اذا ممكن حطلك اسم عشان اعرفك فديتك ^_^
حياك يالغالي اليوم ودوم :))
retaj:) :
اهم شي انتي كوني معاي خليج متواصله
وعطيني رايج بأشعاري يهمني اعرفه ^_^
والتوفيق لنا اجمعين يالغاليه وكل عزيز وغالي يشرفني حضوره عندي :))
barrak:
عادي اخوي براك انت بس قولي الكلام وماعليك اسوي حزب انا معاك ونشن حرب عليهم و بأذن الله منصورين ^_^
شوف براك هذا حال الكل اللي يبي يسوي زوبعه عادي عنده يسويها بس الأكيد معرفة الناس بالشخص اللي يكتب وهل فعلآ الكلام ينطبق عليه ولا لأ
عشان جذي خلك مرتاح ولا يهزك ريح الحقران يقطع المصران..
ودمت لنا مبدعآ يا براك :))
فراوله:
هلا ولا هلا قلتها قبلج لذاك ولذاك..
بدور كلام ماينوجد وأنثر أشواقي..
هلا والله بالغاليه يا مرحبا ترحيبة كلها لج..
تكسيج من راسج لا حد موطاج..
يا فراوله لاتعذبيني بكلمات التعليق..
وانتي ماتعرفين مدى تأثير كلماتج بحالي..
أقسم بالله انا مازعل على الغالين ولا اشيل عليهم واذا فيه شي اقولج من الحين ترى طاح الحطب يالغاليه افا عليج بس..
لا اعتذار ولا هم يحزنون انتي بس قولي اي كلمه منج وانا راضيه خلاص :))
فعلآ فراوله والله اتمنى اني اعرفج من زمان مو بس بالبلوق الا برى عالم التدوين كله لأنج فعلآ تنحطين عالجرح يبرى ^_^
أتمنى تستمر صداقتنا ومعرفتنا في بعض تستمر وتتعمق غاليتي..
و وجودج معاي وتعليقج على مواضيعي صدقيني يفرحني لدرجه ماتتصورينها..
دمتي لي يالغاليه بحب وسعاده ^_*
اما اذا تقولين سكري اذونج انا مسكرتهم من زماااان :)))
عيون الحب:
تسلمين يالغاليه ماقصرتي..
هذا مجرد كلام حبيت انقله لكم ولا الثقه الحمدلله موجوده..
وحياج عزيزه وغاليه ^_*
Mishari:
الله يعافيك اخوي مشاري..
وهذه حكمه انا اؤمن فيها تصدق حتى حاطتها رسالة ترحيب بتيلفوني ^_^
اشكر مرورك الكريم مشاري لا تقاطع :))
صباح الخير اختي امبراطورة
هذا اول مرور لي على البلوق
في البداية اهنيج على رقي مواضيعج
ولاني اكتب وانشر مقالات و خواطر تصادفني تساؤلات واتهامات احيانا من ناس ماالهم في الكتابة يوقفون ويسؤلون؟
معقولة انتي كاتبتنه ما اصدق؟
شي طبيعي هذا بتصادفينه واااايد
لانهم اعداء النجاح يبون يقللون من ابداعج ونشاطج
و ميتين قهر لانج احسن عنهم؟!
احسن شي تسوينه اطنشينهم و ما عليج ترى لو تنسخين و الا تنقلين الي تكتبينه
الناس مب اغبياء يشوفون و يعرفون يفرقون بين لاصل والنسخ
اتمنى لج كل التوفيق و لا تتوقفين
تحياتي لج
بنت الأجاويد:
صباح الخير يا هلا وغلا
اول مرور لج وجاب معاه الطيب والرائحه الحلوه مثل حلاة صاحبتها
اتشرف بمرورج علي يالغاليه
واكيد اللي مثل هالنوعيه عندهم مرض نفسي الله يكافينا شرهم
حياج يالغاليه واتمنى تواصلج معاي ^_^
لاتحزن من نقد أهل البااطل والحساااد
فالناس لاترفس كلبا ميتا
keep going
ما عليج منه شكله دااايخ
ومو متعشي
:P
شاللي يحدج تسوين هالشيي
في بلوغج ، ماكو منطق اصلا
بس اشعليه صرتي مشهووورة
قاموا ينسخون اشعارج
ويدزونها ايميلات
;)
موفقه والى الامام ويا جبل ما يهزك رييييييييح
Alfajer alba3eeed:
تسلمين حبيبتي الفجر البعيد حياج يالغاليه..
بس اللي يحزني هو عدم معرفتي شلون اكتب تعليقاتي عندج لأن قبل قلتها لج والحين اقولها مره ثانيه
اذا ممكن قوليلي شلون الطريقه عيزت وانا احاول :(((
ودمتي لي عزيزتي..
Vancouver :
فدييييتج والله حبيبتي :))
يا هلا وغلا باللي لفانا..
منورتني يالغاليه ^_^
اي والله شفتي شلون يمكن مو متعشي قولي لأم مشاري تقط عليه اي شي تسكته عنا هههههههههههه
على قولتج مايهزك ريح والحمدلله انا واثقه باللي اكتبه ماله داعي انسخ ^_^
دمتي لي يالغاليه بحب وسعاده :))
مساج أحلي وأغلي شي بالدنيا
غاليتي الامبراطورة
أهديج البوست اللي بمدونتي
ويهمني تشوفينه
لانج غالية علي كثيييييير
ويارب اني قدرت أوفي حق الاعتذار
دمت بحب وود واحترام
ابدا
:)
فراوله:
قريت البوست والله لايحرمني منج فعلآ احرجتيني وماكان له داعي الاسف ولا الأعتذار انتي اصلا ماتعرفين مكانتج عندي والله عالراس يافراوله..
وانتي سألتي لو العمر يرد عشر سنين ورى شنو نسوي وأنا رديت عليج اني فعلآ اتمنى اكون صداقه معاج واعرفج اكثر واكثر وللحين هذه امنيتي يالغاليه..
تسلمين لي وماقصرتي على كلامج العسل مثلج :))
اختي امبرطوره الشعر ..
قصيدتك المرسله في المدونه اعجبتني كثيرا
صح اللسانك
وبالتوفيق
القافله تسير
ولا يهمج أي شي
وايد بتواجهين إحباطات
بس هالشي لازم يقويج
:)
إرسال تعليق