أن تشتاق الى انسان ما وتفقد إحساسك الجميل تجاهه..وتأخذك خطواتك الى طرقاته..وتزور مكان جمعك
يومآ فيه..وتقف فوق أرض كانت مسرح اللقاء به..
فلا تعرفك الطرقات..ولا يتذكرك المكان..فيؤلمك
أكتشاف أن أطلالك لم تعد أطلالك...!!!!!!!!!!!!
هناك كثير من القرارات التي نتخذها فـي حياتنا..بعضها يكون صحيح والبعض الآخر خاطئ..ولكن مالذي يدفعنا لإتخاذ هذا القرار؟؟
مالذي يجبرنا على سلوك طريق على الرغم من معرفتنا بأنه صعب وليس بالسهوله تخطيه؟؟ هل هي رغبات النفس؟؟
هل هو عناد التفكير؟؟ أم هو طريق لمحو آثار طريق آخر؟؟!!
بقولكم سالفه صارت مع وحده من زميلات المراهقه واللي ليمالحين معاي"
"ربي يخليها لي" :)
هالبنت تعرفت على واحد وكان عمرها 15 سنه "صغيره طبعآ" وكانت في 2 ثانوي.. المهم حبته حب مو طبيعي..
(لأنه أول أنسان في حياتها)
صار كل شي بالنسبه لها..وفت له وأخلصت لدرجه مو طبيعيه..والله كان يمرونها الشباب ويتحرشون فيها واهي عادي ولا همها!!
ولما نسألها ليش هالبرود؟؟ تقول: والله العظيم أن الولد يمر من يمي ولا أحس أنه ولد!! أحس أنه بنت ما أشعر تجاهه بأي شي..
شعوري كله مع فلان "حبيبها طبعآ " ومن ناحية الولد هم اهو بعد يموت فيها شلون؟؟كان كل شي تبيه مجاب بسرعه دون اي تردد.. وكان حتى بدراستها يساعدها..لأن طموحها كان دخول الجامعه..بس اهو يقول لا ما راح تدخلين لأن أهلج ما يرضون..هالكلام خلا عندها مثل التحدي..والأصرار على دخول الجامعه..وفعلأ كملت البنت الثانويه ونجحت وجابت نسبه تدخلها الجامعه وقدمت وقبلوها :)
زاد تعلق الولد فيها بشكل فضيع واهي نفس الشي ..وصارت بينهم غيره لأبعد الحدود..من صوب الولد..بس هالغيره بدأت تضايق البنت شويه..لأنه قام يمنعها من الطلعه والدخله ومن العزايم والأعراس.. حتى من القعده مع رفايجها بالجامعه!!! كله عشان تقعد معاه اهو بس..
كلمته مره مرتين ان الشي اللي قاعد يسويه غلط .. وكل شي له حدود..وانها الحين كبيره مو مثل اول .. الحين تعرف الصح من الغلط..تقوله: يرضيك اقعد بالجامعه بروحي بدون رفايج ولا شي؟؟ أنا صارلي بالجامعه 3 سنوات وأنا ماتعرفت على اي بنت!! كله عشان انت ماتزعل.. ماتفكر فيني عاد انا شويه؟؟انا اللي تركت العالم وقلت انت كافيني..مابي شي بس بالجامعه لازم اعرف بنات يساعدوني بالمحاضرات والامتحانات..واهو مو راضي... طبعآ اهي تعرف بنات قليله كانت تكلمهم بالخش والدس "انا منهم" :)
البنت عندها اختها اكبر منها..وتعرف واحد.. والواحد هذا عنده ولد اخته يدرس بالجامعه.. طبعآ اختها كل ما تهاوشت مع حبيبها راحت تشكي عند ولد اخته..والبنت "رفيجتي" ماكانت تحب هذا اللي بالجامعه..بالرغم من انها ما شافته ولا كلمته..بس تقول ليش يوقف ضد خاله؟؟ المفروض مايطلع اسراره برى لو انها اختي..
على يوم البنت طلعت مع اختها وراحوا للجامعه..ولا هذا الولد جدامهم !! وقفت اختها بالسياره وكالعاده تشكيله من خاله..جان تنزل رفيجتي وتستأذن قالت عندي محاضره..الولد اعجب فيها..وقال لأختها بكلمها..فالوقت هذا كانت البنت متهاوشه مع حبيبها..و وصلت الأمور بينهم لحد الأنفصال..لأنه صار مريض نفسيآ..خلاص فوق ما اهو مانعها من اهلها ورفايجها ..قام يمنعها من دراستها!!لما تقوله بذاكر يصارخ ويقول لأ بكلمج !!
قالتلها أختها: الولد يبيج وقامت تمدح فيه وبأصله وحسن تعامله وخلقه..وافقت البنت بلحظه كان عقلها فيها غايب.. لأنها ماكانت تبي تعيش الجو اللي كانت تعيشه مع الأول " حكره ونجره" المهم كلمت الولد الثاني.. ضحك وسوالف..لقت معاه حريه مطلقه..واستانست أنها خلاص مافيه شي ممنوع عندها وصارت تعرف بنات بالجامعه شكثر وقامت عادي تتأخر وتطلع مع رفيجاتها..
" بأعتقادها أنها ملكت الكون والحياة اللي تحلم فيها كل بنت "
بالوقت هذا رد الحبيب الأول بس خلاص البنت ماتبيه لقت السعاده مع الثاني.. قالتله: خلاص مابيك !!!
طبعآ أنجن الولد.. وللعلم صارلهم مع بعض 10 سنوات " جد مو غشمره" شلوت تضيع عشر سنوات من عمري؟؟!! وقام يسب ويهدد.. ويقول لو شنو ما تتركيني..والبنت خلاص ماتبي هالعلاقه عافتها..قام الولد يدق عليها ويروح يوميآ لبيتهم ويلحقها وين ما تروح..حتى بالجامعه قام يروحلها وينطرها عند محاضراتها..والبنت توهقت خافت يشوفها حبيبها الثاني ويسأل هذا منو؟؟وبنفس الوقت حبيبها الأول يسأل بعد: هذا منو؟؟
تشتت البنت وصارت تغيب وتخربطت درجاتها..و وقفت قيدها كورس كامل..بس المضايقات مستمره ما تغيرت..طبعآ نوعية هالمضايقات ان حبيبها الأول يبيها ترد مثل قبل واهي تقوله خلاص انا هالعلاقه عفتها مابيها..
والحبيب الثاني مايدري شنو الطبخه..بدأ الكورس الثاني.. وداومت البنت..ونفس الشي قام يجيها الاول بالجامعه..مالقت البنت جدامها ألا انها تفاتح حبيبها الثاني بالسالفه..بس شقالتله؟؟
قالت هذا واحد اعرفه وصارلي سنتين قاطعه عنه بس اهو الحين راد ماتدري شنو تسوي؟وقاعد يضايقني..
قالها عادي خليه يولي.. واذا شفتيه بالجامعه قوليلي.. قالت اوكي واتفقت مع حبيبها .. وقالت له: اذا دقيت ومارديت عليك معناها انه ماسكني تعال بالمكان اللي دايما نتلاقى فيه.. وكان فيه مكان دايما يقعدون فيه.. قالها اوكي..وفعلآ صارت السالفه.. طلعت البنت من المحاضره ولا هذا الحبيب جدامها.. قالها امشي لا افضحج واخذ جهازها منها.. وبنفس الوقت دق الثاني لأن وقت المحاضره خلص.. جان يرد عليه الاول .. سكر الثاني الخط وراح بسرعه للمكان اللي قالتله تعال فيه.. قامت البنت وقالت للأول تعال فيه مكان صاد عن الناس نقعد فيه ونتفاهم ..وصل الثاني للمكان ولقاهم موجودين حبيبته واللي يضايقها على قولتها..قال الثاني للأول: انت شنو تبي من البنت مو خلاص انتهت العلاقه من سنتين؟!!! جان يضحك الأول والتفت للبنت وقالها : انتي مفهمته جذي؟؟ توهقت البنت..قال الثاني: انا اكلمك مالك شغل بالبنت.. جان يقوم الاول ويمسك البنت من ايدها حيل وقال هذه لي انا واذا فيك خير اخذها مني!!
وصارت مشاده بالكلام جان يروح الثاني قال: انا اجيب الأمن الحين..طبعا اهو مو رايح يجيب الأمن الا ينحاش.. والبنت في حالة صدمه.. شلون يتخلى عنها بهالوضع؟؟!!
نادتله: تعال والاول ماسك ايدها يقولها امشي يالله .. والثاني ولا همه رايح وخلاها!!!
تحسفت البنت انها خلاص انتهت حياتها ماكسبت لا الاول ولا الثاني اللي تخلى عنها..
.. قالها الأول : ها شفتي شلون بأضعف موقف خلاج؟ وانا اللي اسوي كل شي عشان اردج وانت مو راضيه.. ليش شسويتلج؟ عشان اني احبج واخاف عليج؟..عشان اني اغير عليج حتى من الهوى؟..عشان انج تدرين اني احبج حب ولا واحد راح يحبج مثله؟..اتمنى في يوم تحسين شكثر حاولت اشتريج وارضيج بكل اللي تبينه بس انت بعتيني.. و ليته عشان واحد يستاهل..عشان واحد اهم شي عنده عمره ولا انتي راح وتركج.. وتركها وخلاها..
بس البنت رغم كل اللي صار وتحب الثاني.. اللي ردلها وقام يتأسف ويحلف انه رايح يجيب الأمن ولما وصل ماحصلها بالمكان..
المهم ماطول عليكم.. راح الحبيب الأول " 10 " سنوات وظل الحبيب الثاني "4" سنوات وقامت البنت تشوف الفرق بينهم.. شلون كان الاول يعاملها ... حب صادق..خوف صادق.. مداراه..يعاملها كشرف يحافظ عليه..
اما الثاني..حب عصري.. حب شبابي..حب اخذ وعطاء..عمره ما قالها كلمة لأ ..الكلمه اللي انهت حياتها اللي فاتت عشانها..تتمنى الحين تسمعها..
صارت تمر عليها مواقف لها "ذكـــرى" ولما تتذكرها..تهتز فيها عشر سنوات من عمرها..
البنت مقتنعه انها خلاص لايمكن ترد للأول .. لأنها فعلأ محته من بالها.. ماتبيه.. وتبي الثاني.. وتحبه لي وقتنا هذا..
" ماتقدر تستغني عنه "
رغم وجود بعض العيوب فيه اللي تتقاضى عنها عشان تستمر حياتهم مع بعض..
والسؤال: هل القرار اللي اتخذته بأنهاء علاقتها وبداية علاقه جديده صحيح؟
هل من الممكن ان تهتز بنا الذكرى وتعود الى واقع اتهيناه؟
هل الذكرى تعيد ماقد هدمناه في حياتنا؟
"صـمـت الـلــــيل"
بين صمت الليل وسطور الورق....
في ظلام صار لأفكاري طريق....
ذابت الأنوار والشمع أحترق....
والدقايق تمضي و وقتي يضيق....
وشفت نفسي ضايع بهم وأرق....
شفت واقع حالتي صارت حريق....
حالتي مثل الذي مات بغرق....
كان يغطس لجل ينقذ له غريق....
ودمتم سالمين :)
"الإمبراطوره"
هناك ٤٤ تعليقًا:
بالبداية اندمجت فوق الوصف حتى مارمشت والله :) .. راح أكلمج بكل صراحه
اسمحيلي البنت ما تستحق الحب لأنها باعت بسهوله .. فمن حظ الأول أن علاقتهم انقطعت والثاني يمكن ينفع معاها
الحب الصادق أهوه الي بدون تخطيط والحب الصادق يكون فيه خوف متى ما كان مافيه خوف صدقيني فيه شيء غلط
تعاطفت مع الأول لأنه بالرغم كل عيوبه لكن حب بصدق وأخلص لها بس أهيه مو كفو هالحب .. والحين توهقت بواحد من شباب هالوقت
صح الأولي فيه عيوب بس 10 سنين كفيله أنهم تقربهم البعض والأهم تخليها تخاف عليه وتستذبح عشان يتعالج لأن الغيره طلعت من حبه لها فعلى الأقل توقف وياه لما يتشافى إذا شايفته مريض
بالأخر مسألة الحب مو اختيار وصدقيني أهي ممكن حبة الأولى بس يمكن أهيه تحب العلاقه والحب كحب أكثر منها من جذي لما شافت أن مايرضي طموحها بدلته والحين توهقت
الله يعين .. وسوري على الإطاله
موضوع مأثر والي خلاني اتاثر اسلوبج الحلو الي نحس ان كل حرف كتبتيه يطلع منه احساس وشعور وهذا الي فاقدينه بالناس الي حتى لو تتكلم معاج وانتي قاعده معاهم ماتحسين بكلامهم ولا تتعاطفين معاهم بس في ناس بس تشوفين عيونهم تحسينهم لان احساسهم واضح ومايقدرون يخبونه وهذا الي حاسه بكل كتاباتج وقصايدج ,الله يعطيج العافيه يارب,,,,
اما تعليقي وراي بالمواقف الي نقلتيها لنا وعن مشاعرها فانا اختلف مع الاخت محاره ونفس الوقت اوافقها الراي في بعض الكلام,,,
اول شي يقولج كثر الضغط يولد الانفجار نفس الطفل لين يكون عنده بالون وهالبالون له سعه محدد انه يتحمل الهوا بداخله بس الطفل يحب هالبالون بشكل كبير ونفس الوقت يبي يكون بالونه اكبر بالون فيتفخه ويعبيه هوا بس فجاه انفجر هالبالون فراح يكون شعوره نفس شعور الحبيب الاول بس نفس الوقت اهوا الي خرب البالون واهوا الي ضيعه بلحظة فما اعتقد ان البالون اذا انفجر راح تقدرين ترجعينه مهما سويتي ,,,
البالون اهوا الاحساس والعاطفه والحب اذا اذيناه ماراح يرجع بلحظه وصبر صح لازم نصبر على الي نحبه وننطره بس لين يكون 10سنين ومافي فايده هالشخص يتعلم يمكن راح يتعلم بلحظه بس بعد ما انفجر البالون شنو راح يفيد؟؟
الحب ثقه متبادله بين الاثنين بس مو معناه ان مايكون فيه غيره لا لازم في غيره لان الحب غيره بعد مو بس ثقه بس لازم يكون هناك توازن بينهم لان اذا الغيره صارت اكثر من الثقه راح تتطغى الغيره على الثقه وتنعدم الثقه بين الاثنين ,,,
الحب تسامح واني اغطي على عيوب الي احبه بمميزاته الي تحببني فيه ,والحب مو بالفتره والوقت الحب بالعواطف والمعنى,,,
هالبنت حبت بالحبيب الاول حبه لها وصدقه وخوفه بس حبت بالثاني خل نقول ثقته فيها لين خلاها على راحتها وعطاها عاطفه وحب ,يعني حبت بالاول شي والثاني شي بس مافي احد كامل لان اذا الواحد صار كامل ماراح نحس فيه ولا راح نحس بحبه لان الحب لازم فيه لحظات مره عشان نحس بطعم حلاوته,,,,
وما اعتقد هالبنت اهي الي تركت الحب الاول لانها كانت صادقه معاه 10 سنين والبنت بطبيعتها حساسه بدرجه كبيره وتتاثر باقل الامور,فليش نلوم هالبنت على اخطاء غيرها وعلى شي ماكان بيدها لانها حاولت بس الشخص الثاني ان كان الحب الاول والا الثاني ماقدم اي شي من المساعده على شان يكون الجسر الي بينهم قوي وثابت,,,
واعتقد هالبنت ماحبت الشخصين نفسهم في جزء من حبها يحب الشخص نفسه بس جزء كبير اهي حبت الحب نفسه حبت تعيش لحظات الحب وحبت اطلع عواطفها لان كل انسان له عواطف وهالعواطف تنقسم نصفين نصف عواطفنا للناس والنصف الثاني عواطف الناس لنا ,يمكن اهي عطت كل الناس الي تحبهم عواطفهم بس نقصها عواطف الناس لها الي ماعطوها حقهاوالي ليما الحين احنا نفسنا قاعدين نلوم هالبنت على شي مو بس اهي الي غلطت فيه الناس كلهم غلطوا بحقها واكثر من غلطها ليش نلوم وكل شي راح وانتهى ليش مانقول تعلمي من هالتجربه الي مريت فيها وانها عاشت مع نوعين وحبتهم اثنينهم بس نفس الوقت انا متاكد انها محتاره اذا كانوا اثنينهم جدامها وعندها الاختيار من غير اي تعديل بالشخصين وشخصيتهم وطبايعهم راح تختار منو ؟؟
لا نضغط على الناس ونلومهم على شي ماكان بيدهم لازم نوقف معاهم ونقولهم انشالله الايام الجايه تكون احسن وان الزمن يتغير مع تغير الناس لان الناس اهي الي تغير الزمن والوقت الي احنا عايشينه بطريقة تفكيرهم وعيشتهم,,,
الذكرى حلوة بس موحلوه اذا كانت ذكرى الم واسى وذكرى تعيشنا بضيقه وعذاب النفس, ليش مانقول الله يهني الاول والله يوفقه بحياته والله يرزقه وحده يحبها وتكون نفس طريقة تفكيره والله يهني الثاني ويوفقه معاها والا مع غيرها ,لان الحب والي يحب لازم يتمنى للي يحبه كل خير ان كان معاه او مع غيره ,,,
والله يوفق هالبنت ويرزقها الشخص الي يخاف عليها ويحبها ويغار ويثق فيها لانها تستاهل كل خير لانج عكستيلنا صفاتها الحلوه بطريقتج بالكتابه ونقل الواقع بحروف جد اقول عنها من ذهب ,,
انشالله تكون هالبنت قويه وتفكر عدل وان الي مرة فيه درس لها وانها تنساه وتنسا همومه وضيقته وتتعلم منه لان الضيقه والزعل والتعب النفسي ماراح يفيدها ماراح يفيدها الا انها تتعلم من الي صارلها وانها تعيش حياتها نفس ما غيرها عايشها اقصد الاول والثاني اثنينهم عايشين حياتهم وخلصوا من الي صار ويمكن نسوه وتناسوه ,,,
ترى الحياة حلوه مهما مرينا بلحظات مر وحتى لو كانت اكثر من اللحظات الحلوه بس راح نستفيد وراح نقول ياحلو الحياة لاننا ليما الحين عايشين والي مرينا عليه راح وقدرنا نطلع منه بخساره او فوز المهم طلعنا منه واعتقد مافيها خساره كلها فوز حتى لو نخسر شخص ربحنا منها وتعلمنا درس وهذا الربح اهي الحياة الشي الوحيد الي نربح منها مهما خسرنا فيها وكل خساره ناخذ منها ربح ,,,
يعطيج الف عافيه على هالكلام الي كتبتيه الي حسيناه بقوه وكان هالشخص عايش معانا ونعرفها هالبنت والله يوفقها ويوفقج ,,,
اما الي عجبني بالموضوع كله ودمتم سالمين الامبراطوره شي قوي :)
اتمنى من هالبنت تقرا التعليقات وتتعلم وتستفيد منها لان احلى شي بالتعليقات يكون فيها اكثر من وجهة نظر ويشرحلج الموضوع من كل جوانبه بس اتمنى تاخذ التعليق الي يفيدها ويسعدها ويخليها ماتندم على شي سوته لانها خلاص سوته وراح واتمنالها ايام حلوه واحلى من قبل يارب :)
احس ان عمري من عمري انسرق
ليتني من ضيم احلامي افيق
لازم الانسان يعتبر من الاختبارات اللي انوضعوا فيها غيره ..
لكن مشكلتنا ان نعيش اللحظه و ما نطالع المستقبل .. اذا شفنا سعادتنا بهاللحظه اللي عشناها نحسب اننا بنظل طول عمرنا نعيش على نفس المنوال ..
تسلمين عالموضوع :)
محاره:
شكرآ على الأندماجح.. بس لازم ترمش عيونج عشان ما تجف :)
,,,
أنتي تقولين البنت ماتسنحق الحب..من خلال قرائتج لقصتها اللي انا كتبتها..
بس اللي ماتعرفينه انه هناك كثير من التفاصيل اللي ما ذكرتها عشان ما أطول الموضوع زياده.. "اهو طويل أصلأ"..
انا ما ادافع عن البنت لأناه رفيجتي.. بس بوضح لج شغله..
البنت معذوره..لأنه على ما قال اخوي عبدالله..انها خلاص وصلت حدها.. ولو انها ما تحبه جان ماقعدت معاه 10 سنين..
وكانت صغيره يعني في عز شبابها ونشوتها..كانت في وقت الطلعات والروحات..بس انها تنازلت عن كل شي عشان خاطر حبيبها..
والله يا محاره لو اقولج شنو سوى فيها تطقين على راسج..وتلومينها لأنها صابره عليه الوقت هذا كله..
اما عن الغيره اللي تقولين يتعالج منها..شلون تبينه يتعالج اذا 10 سنين ما عالجته؟؟!!
تقولين الغيره من حبه لها..اقولج اي بس غيره عن غيره تفرق...
كل انسان يحب يغار على حبيبه ويحب حبيبه يغار عليه..بس ماتوصل لدرجة انه يهدم كيان وشخصية اللي جدامه..
هذا محا اسمها من الوجود صار مالها كلمه عند خواتها..
تصدقين اخوانها يقولون لها يالله نبي نطلع.. تقول اوكي بس اغير وانزل نروح.. وتروح تقوله اهلي يبي يطلعون وبروح معاهم..يقولها : يا ويلج اذا طلعتي مو لازم..تقوله انا عطيت اهلي خبر اني بروح لا تحرجني وتوهقني .. يقولها انا قلت ماكو طلعه..
ومره سوتها وطلعت عشان ماتتوهق مع اخوانها كل مره تقولهم تعبانه ولا مريضه ولا بنام بس خلصت اعذارها..
وطلعت وجاها حبيبها بنفس المكان وقام يتوعد فيها وباجر راحلها بالجامعه وجرها من ايدها وركبها السياره وطقها!!!
شنو تبين اكثر من غيره توصل للطق؟؟
اما الحبيب الثاني اللي سميتيه من شباب هالوقت.. اهو فعلا من شباب هالوقت..بس ترى يحبها ويداريها.. ولا عمره مد ايده عليها..
ممكن انه يتنازل عن شغلات ويخليها على راحتها بس ماعنده غيره..اللي ممكن انها تشبع الحبيب..
بس اهي تحبه وتتمنى بنفس الوقت يكون فيه بعض من صفات الأول
"من شب على شي ..شاب عليه"
ومشكوره حبيبتي على التعليق الحلو انشالله تستفيد منه البنت وتعرف شنو اخطائها..
وشرفتيني في مدونتي ولا تقاطعينا :)
عبدالله الظفيري:
اخوي وصديقي الذي طالما انتظر تعليقاته التي تنير حيرتي وتشرق الفرح والسرور على حياتي..
واللي دايمآ يناقضني وما يعجبه شي :(
"اتغشمر فديتك مو تروح تزعل" :)
انا معاك يا عبدالله ان كثر الغضط يولد الأنفجار..
وفعلأ هذا اللي صار معاها.. ولقت جدامها باب مفتوح فيه سعادتها وراحه نفسيه..اكيد بتدخل الباب.. وتسكره وراها وتقط كل همرمها واحزانها..
هذا حبيبها الاول على الرغم من حبها له إلا انها فضلت شراء نفسها وسعادتها على حبها..
ليمتى هذا الصبر؟ ليمتى واهي تداري على شي ماراح ينفعها؟
وبنفس الوقت انا ما انكر انه حبها حب ولا بالأساطير..
صدقني كان الكل يحسدها عليه..حتى اختنا محاره.. من مجرد تناتيف من قصتهم.. قالت انها مو كفو الحب هذا..
ولكن ماخفي اعظم.. هذا اللي حرقها ان الناس ماتعرف اهي عايشه بشنو بس تحسدها على النعمه اللي فيها..
واهي تضحك بينها وبين نفسها وتقول:
يحسدوني على موتي..
اما الحبيب الثاني انت تقول حبته لانه عطاها ثقه..
تدري عاد.. والله مو ثقه!! الحبيب الثاني كان تفكيره شبابي وعصري..
انا اكلمج واحبج بس واذا شاف احد يكلمها عادي عنده ممكن اي كلمه تسكته..بتقول ثقه؟؟ انا اقول اصلا ماكو غيره عنده..
وبهالكلام انا ما اشوه صورة الثاني.. بالعكس هم الثاني عتده مميزات الي لولاها ما حبته البنت..
انا لما اقول البنت حابره ومشوش تفكيرها..
هذا معناه انها تبي شي موجود عند الاول وموجود عند الثاني..
"والعكس صحيح"
الأول:
مريض نفسيآ بالحب والشوق والهيام..
لكنه عقليآ..سليم يفهم معاني الحب والخوف والتقدير..
الثاني:
سليم جسمانيآ ونفسيآ..
"ضحك ولعب وجد وحب"
لكنه عقليآ يفتقر الى المعاني الساميه للحب..
ممكن انه يحب على قده..
ويحاول يرضي حبيبته وهذا الشي اللي خلاها متمسكه فيه للحين لأنها تعرف انه لو بيده شي جان سواه...
والتعليقات وصلت للبنت عبدالله وانشالله تستفيد منها :)
شكرآ عبدالله على متابعتك لمواضيعي :)
حياك الله:)
براك:
حييت يا كاتب شعره على الآق ..
بيت شعر يوصف به شعوري ..
تحيه جزله منبعها من الأعماق ..
لك انت يا ورد النرجس والجوري ..
حياك عزيزي واشكر مرورك الكريم :)
shather:
هلا وغلا.. يا مساء الشذر والله..
فعلأ اختي لازم الواحد يتعلم من اخطائه ومن اخطاء غيره..
ولولا الغلط ماعرفنا الصحيح..
ربي يسلمج على مرورج علينا:)
حياج عزيزتي :)
بإعتقادي علاقتها بالأثنين غلط
الأول كانت وايد صغيرة وهو طبعا مو من حقه يتحكم فيها بهالطريقة
والثاني عرفته عشان تنحاش من الأول
وهي قضت فترة طويلة مع الأثنين وين نية الزواج ولا شنو الهدف من العلاقتين
انا اقول ثلاثتهم مو مال حب
الأول مينون
الثاني ردي وماكو شخصية
والبنت تبي ريال كامل والكمال لله بس
q80mini:
وجهة نظر احترمها :)
وحياك الله في مدونتي..
شكرآ على مرورك الكريم :)
السلام عليكم ورحمة الله
بداية اشكرك على مروركم الكريم فى مدونتى المتواضعة
الأمر طبعا من الوجهة الشرعية لا يجوز لا للأول ولا للثانى حاولت ان ابحث عن كلمة زواج او خطبة او ارتباط او انه كلم اهلها لم اجد ما الغاية ما الهدف لا ادرى؟
اما اذا استخدمت اسلوبك فاقول فداونى بالتى كانت هى الداء
فى نقطة هامة جدا انا لا اتصور ان البنت قلبها متقلب بهذه السرعه ما اعلمة ان الفتاه لا تستطيع ان تجمع حبين
اما الاشعار
جميلة وتعليقى هو
واذا الدنيا كما نعرفها واذا الاحباب كل فى طريق
تحياتى ياريت اعرف رأيك باشعارى فى مدونتى
الطائر الحزين:
وعليكم السلام ورحمة الله وبركاته..
هلا اخوي العزيز ..
شرفني تعليقك في مدونتي..
اذا تسأل عن الناحيه الشرعيه وان ماكو هناك اي زواج او ارتباط..
فأنا وضحت الأمر للأخت "كادي" وذكرتلها الاسباب اللي منعت الزواج..
أذكرها لك مره ثانيه..
الأول كان بدون"غير محددي الجنسيه" والثاني مايبي فكرة الزواج..
أما قلب البنت بالعكس مو متقلب بسرعه..
ولاحظ ترى اخذت فتره مع الثاني وحبها كان للأول... وكانت بينهم اتصالات..
بس البنت قامت تكابر على نفسها لما خلت الحب ينتهي مره وحده..
ومشكر يالطائر وانشالله مايكون عندك حزن وتكون طائر التفاؤل والفرح :)
مع احترامى الشديد لج ولكن صديقتج تمثل الحب الهيلقى
لان فعلا ما تعرف تقيم الرياييل وغرتها المظاهر
والا شنو بلحظة غايب عقلها؟؟
فى احد يبيع الحب لو كانت فعلا تحب علشان واحد قال كلمتين
تحياتى لج
أنا أتفق تماما مع رأي (كادي) ورأي(مشاري)... الحب الأول كان حب مراهقة، انتهى وتلاشى مع أول إختبار وعند أول محك حقيقي حتى لو كان بعد عشرة سنين... ثم إنه غير قائم على أساس سليم وتفكير عقلاني... شلون تعرفت عليه؟! وشلون إكتشفت إنها تحبة؟! وعلى أي أساس حبته؟! وهل فيه توافق اجتماعي وثقافي بينهم..و..و..و؟؟؟!!!...ا
.
أما الثاني فهو هروب من الأول
.
بالنسبة لي الأثنين ما كانو حب... بس لأن البنت تحتاج أن يكون هناك واحد في حياتها... يسمعها كلام حلو... ويضحكها... ويحسسها باهتمامة وإنه يغار عليها... فتظن أنه يحبها وتظن إنها تحبه... ومع أول اختبرا كل واحد منهم يكتشف حقيقة الآخر وحقيقة مشاعرة تجاهها
.
الأول كان (مينون) وإصرارة على التمسك بالبنت كان إنتصار لنفسه وليس تمسك (بالحب) المزعوم... ولا أكو حبيب ما يبي حبيته تنجح... أو إأذيها مثل ما شرحتي بالقصة... بالإضافة إلى أن هناك عوامل أخرى ما ودي أتطرق لها علشان ما يطول الشرح
.
ننتقل حق الثاني... بالنسبة له كانت صيدة سهلة... ومضمونة النتائج... فليش يفرط فيها؟!...خاصة إنه مو مطلوب منه شي.. لا زواج ولا غيره... وهي تدري إن أعذارة في موضوع الزواج غير صحيح(وعلى فكرة كل الشباب يقولن نفس العذر، وكل البنات يعرفون إنه عذر غير صحيح، بس الجميع يحب أن يمارس هواية الكذب على الآخر والكذب على النفس)... يعني صاحبتج قاعد اتقص على عمرها... ليش؟... لأن مثل ما قلنا بالبداية: كل بنت تحتاج حق واحد في حياتها يحسسها ببعض الإهتمام... وباجر مع أول واحد يديد، يكون مرتب أكثر من الثاني ، وأخف دم منه، ويعرف إجذب أحسن منه، وكلامة أحلة،و(مشاعرة) فياضة أكثر، راح تكتشف إنها ما كانت اتحب الثاني، وإن (مشاعرها الحقيقية بدت تطلع مع الثالث!!!!ا
.
يا امبراطورة: هذا لا يسمى حب... هذا يسمى لعب، وكذب على النفس... إتعرفين إلي يجذب على عمرة وصدق جذبته... صاحبتج ينطبق عليها هالكلام
.
وآسف إذا كنت قاسي عليها... بس عزائي إني كنت صادق:)
تحياتي
في رأيي اننا أحيانا بنكون واثقين من فشل تجربة ما....ليس بالضرورة ان تكون عاطفيه.... لكن العند بداخلنا..و الامل يحدونا في تغيير الفشل الي نجاح.
عموما التجارب الانسانية بتصقل الانسان
تضيف الي شخصيته اما سلبا او ايجابا.
تحياتي و تمنياتي لك بالتوفيق في كتاباتك دائما.
mishari:
هلا ومرحبا بالغالي..
شوف اخوي مشاري..انا مع الحب مهما صار.ولا اخون فيه..
ومعاشرتي للبنت هذه خلت عندي معتقدات يمكن تكون صحيحه ويمكن خاطئه..
انا اشوف انها غلطانه..و اوافقك الراي..
بس لما استرجع قصتها..اللي تخفاكم كثيررررر من تفاصيلها..
واشوف حالتها جدامي..
اقول الله يعينها..
وشكرآ عزيزي.. حياك الله :)
بوغازي:
يا مساء الأنوار والله..
ماقدر اعلق على كلامك إلا اني اقول كنت اتمنى اكون وحده من المعلقين..واكتب الكلام اللي انت قلته :)
فعلآ يعبر عن اللي انا بقوله..
وبنفس الوقت.. يمكن انا بعد شويه حساسه..
واقول البنت مو غلطانه بحد ذاتها..البنت لقت الصدر الحنون..والمشاعر الفياضه..الكلام الحلو..كله "بالأول"وكان عمرها صغير يعني مو كامل عقلها مامرت بتجارب بحياتها توعيها وتخليها تعرف الصح من الخطأ..
اول علاقه صادفتها مشت معاها..
ولما شافت ان الشي زاد عن حده..وماقدرت تتحمل..راحت لباب الهروب"الثاني" عل وعسى تلاقي عنده الراحه..
وهم بعد ما اكتشفت بعض العيوب فيه..تحاول تغطي عليه مثل ما غطت على الأول 10 سنوات..
ويمكن اذا لقت لها باب ثالث بتروح معاه راح تقولون.. بس انا اضمن لكم انها اخذت العبره وخلاص فهمت كل شي..
لأن ضربتين بالراس توجع..
والثالثه ثابته..
وربك كريم:)
حياك الله ولا تقاطعنا :)
الربان:
مرحبتين كبار كبار :)
فعلأ والله التجارب تأثر على شخصية الأنسان سلبآ او ايجابآ..
يعني لو ما انلسعنا من النار وحرقتنا..وعرفنا انا خطره..
ما تكونت عندنا فكره عن خطورتها..
واتمنى من كل انسان رفيجتي او غيرها.. انه يفكر بالتجارب اللي مر فيها.. ويحاول يستخلص منها ما ينفعه..ويترك اللي يضره..
تحياتي لك واشكر مرورك :)
يالغاليه مساج ااحلى من العسل بطعمه واحلى من الورد بريحته لانج انتي الطعم والريحه العطره ,,,
انا ما ازعل منج ولا اتضايق من الناس الغاليه علي:)
اما على ردج في نقطه انتي قلتي اني قلت ان الحبيب الثاني عطاج الثقه بس انا الي قلته بالنص لو تقرين " خل نقول ثقه" معنى هالجمله يعني نفترض يعني مو اكيد بس حبيت اعدل معلومتج :)
اما تعليقي هذا الجديد مافيه شي غير عن كلامي بس حبيت اوضح وجهة نظري الي مااعتقد وصلت بالشكل الصحيح وثاني شي احب اوضح وجهة نظري بتعليقات الاخوان والخوات الي علقوا على القصه مو قصدي ان كلامهم غلط بالعكس صح وكله صحيح من كل جوانبه بس كل شخص علق على اساس شلون افهموا الموضوع وفكروا فيه من وجهة نظرهم بس ليش ما نجمع كل التعاليق ونقدمهم للبنت لانها تستاهل هالمساعده بس اتمنى منها اهي تفكر بالكلام من غير لا تفكر شلون ترد على كلامنا باعذار وتتعذر لنفسها من نفسها واتمنى منج يالغاليه توصليلها هالكلام بس تقوليلها انها تقعد مع نفسها وتفكر بطريقه صحيح من غير عواطف ولا تفكير بالاول ولا الثاني خليها تفكر شلون راح تبني مستقبلها من تجاربها الي مرت فيها وان مستقبلها اهم من حبها لاي شخص كان لان الحب يعطينا الدافع بالتفكير بمستقبلنا ام الحب الي مايعطينا المجال بالتفكير الا بالحبيب وقلبه وشنو مشاعره هذا مو حب ,,,,
راح اتكلم بس اتمنى منكم عدم فهمي غلط ونفس ما يقولي صاحبي بالدوام "احسن الظن " الله يعطيه العافيه والله يذكره بالخير :)
ما اعتقد في احد من الي علقوا والي راح يعلقون من وراي مامر بفترة حب ان كان واحد والا وحده مابي رد على كلامي ابي الرد يكون بينكم وبين نفسكم ونكون صادقين مع انفسنا لو لدقايق معدوده بس,,,
كل واحد حب فينا وانا واحد حبيت وكلمت لان كل شخص فينا فيه عاطفه وعاطفه كبيره ووقتنا هذا يسر لنا كل شي عشان نعبر عن عاطفتنا بطريقه صحيحه او خاطئه وهذا يرجع على الناس نفسهم ,,
مهما كان تفكيرنا بالحب وطريقة تعاملنا مع الحب نفسه ان كانت النيه حب عادي والا حب من وراه مصالح بس حبينا وكل واحد مر بهالتجربه العازب والمتزوج بس مافكرنا بلحظه ان هالعلاقة وين راح توصلنا؟؟بس حب وكلميني واكلمك وتبادل كلام معسول وتطلع من القلب ,بس وبعدين شنو راح يكون ؟؟
الانسان من اول ما ولد ولد معاه حب ناتج اعماله يعني لين اشتغل شنو راح استفيد والا اشتغل من غير فايده مهما كانت الفايده بانواعها بس علاقة رجل وامراه,شاب وشابه ويكون الي بينهم نفس ما انسميه "حب" بس موعارفين شلون كبر هالحب كبر بس عشان العشره؟والا عشان الكلام الحلو والمعسول؟ بس وبعدين يتركون بعض وكل واحد يتضايق ويعيش بنكد "وكدر" وكل واحد يروح يدورله حبيب ثاني ويحبه وتيتي تيتي مثل ما رحتي جيتي ,,,
العلاقه الصحيحه الي من وراها انتاج وراها مصلحه ورضا الشخص على نفسه ورضا الناس عليه ورضا اهله ورضا الله هو الزواج مهما كانت عواقبه بس تكون في شي ملموس ,,,
علاقة الحب بين شاب وشابه تبتدي بنظره وبعدين تعارف وبعدين كلام حلو وكلام بالحب وبعدين طلعه وبعدين ماندري شنو ورا الطلعه ويمكن في احد يشوفهم او مايشوفهم وبعدين شنو غير الكذب والنفاق ولا شي ملموس غير الكلام بس كلام نخدع انفسنا فيه ,,
اما الزواج يبتدي بنظره بين الزوج والزوجه وبعدين كلام حلو وكلام حب وتبادل العواطف الي تكون صادقه يمكن يكون هناك حالات زواج فاشله بس انا قاعد اتكلم عن الناجحه ,بعد الزواج وجود الاطفال وهذي الاستفاده راح يدوم الحب ويكون في احد يخاف علي ويهتملي ويكون لي بروحي مهما صار,,,
انا قاعد اتكلم واطلع من فكره وادخل بفكره ثانيه دايم افكاري متشتته بس احب اتكلم واعطي راي باي موضوع واتمنى الي يقرا يربط بينهم ويفهم كلامي,,,
كلنا حبينا وكلنا مرينا بتجربة الحب وعلاقة الحب وندري وعارفين انها غلط بغلط بس نركض بس عشان نعيشها من غير تفكير باي شي كان,نفس الي يشرب يدري غلط بس يشرب ليش؟؟ فيه غريزة الانسان واهي الغلط ونفس ما قلتي يالغاليه لازم انجرب عشان نعرف ان هالشي غلط بس ليش انجرب شي غلط واحنا عارفين ان غلط ليش؟؟
غلط البنت مو انها اتركت حبيبها الاول وحبت ثاني ولا غلطتها انها متمسكه بالثاني غلطها عدم تفكيرها بانها شنو تبي من هالعلاقه بس تبي الي يخاف عليها ويغار ويحبها ويقولها الكلام الحلو ويسال عنها وتحس ان في احد مسؤول عنها كل هذا موجود باهالينا وناسنا الي يحبونا ويخافون علينا بصدق بس احنا نفسنا مانبي هالشي انتهرب منه لان تذوق احساس اهلنا تذوق خاطئ او احنا نخطئ انفسنا عشان نعيش تجربة الغلط,,,
كلنا نحب الحب والعواطف ونحب الغزل والي يتغزل فينا ويمدحنا بس ليش ما انفكر شنو ورى هذا كله راح نستفيد ولا شي,,
البنت اول ما حبت ماكانت تفكر بالمستقبل كانت تفكر بلحظتها ووقت حبها للشخصين وليما الحين تفكر بنفس الطريقة بس على عمر كبير وطريقة اكبر واسلوب اكبر, مافكرة ولا قاعد تفكر شنو راح تستفيد بالعلاقه مهما كانت مع الاول او الثاني انا اتكلم عن الي نسميها علاقة حب شنو راح تستفيد بالمستقبل؟؟
اي علاقة حب تبتدي بالزواج وبعدين يتطور هالحب الا انجاب الاطفال, هالبنت كانت تدري انها ماراح تقدر تتزوج الاول وفوووق كل هذا حبته وعاشت معاه 10 سنين بس لان عاطفتها وقلبها كانوا يمشونها وعقلها واقف ماتفكر فيه بالصح ولا الغلط وهم الثاني تعرف انها ماراح تتزوج بس هم مستمره معاه وتحبه يعني ليما الحين قلبها وعاطفتها اهم الي يمشونها بطريقة ماله نهاية وحتى لو راح ينتهي راح ينتهي بعذاب وضيقه ماراح تشوف فيه فايده وراح تتحسف وتندم على الوقت الي ضاع من غير فايده....
اتمنى من كل الي يعلقون يفكرون بانفسهم قبل لا يفكرون بالبنت وقصتها ويلومونها ويتذكرون علاقاتهم الي كانت والي ليما الحين مستمره عند بعض الناس ,نبي هالبنت تستفيد بس تكون مقتنعه بالي تبي تسويه عشان ما تندم ,,,,
الحب حلووووووو بشكل ما انتصوره بس يكون صادق ونزيه ومن وراه فايده ويكون فيه جميع الاسباب الرئيسيه لنجاحه ,يمكن يمرون علينا ناس ما كانت بينا وبينهم علاقة حب بس نحب طباعهم واسلوبهم ونفسيتهم وطريقة تفكيرهم وانتمناهم لنا ونفس الوقت البنت حبت طباع بالاول وطباع بالثاني وتتمنى لو يكون لها الاول او ثاني لان قلبها يحبهم بس لين تفكر اكيد راح تفكر شلون راح اتزوج واعيش مع واحد ثالث مو من الي حبيتهم وهالتفكير راح يوصلها لطريق مظلم وماراح يعطيها دافع بالحياة بس انصحها تفكر بطريقة احسن انها تفكر وتكون متفائله ان الحياة حلوه والي عشناه جزء بسيط من حلاتها فلازم يكون تفكيرها ان الزوج مهما كان حتى لو كان غير الاثنين انها راح تعيش معاه بحب وعاطفه احلى من الاول والثاني بمليون مره وتفكر بانها راح تعيش حياة احسن واحلى ولحظات الفرح واللحظات الحلوه راح تكون بحياتها على طول دام عندها حلالها وعندها عيالها ,,,,
اتمنى توصلين كلامي لقلب وعقل البنت يالغاليه وانها تفكر بطريقه صحيحه وتفهم كلامي صح وانها لين تقرا اي تعليق تنسى كل لحظاتها مع الاثنين وتسوي فورمات لو للحظه لتفكيرها,,,
مشكووووووووووووووووووووره يالغاليه :)
راح تقولين على شنو صح ؟؟
اقوووولج على وجودج بينا وعلى كل شي فيج حلو :)
بالتوفيق
فقدت من العمر ايام
تمنيتك تكون فيها
بسكوت اتحمل الالام
وبجراحي اداويها
تعب كلي كثر ما صحت
تعب قلبي بعد فرقاك
خلاص خليتني ورحت
ولاهي فارقه ويّاك
بسيطه منت عارفني
ولا بتلقاني في دنياك
بيجي يوم بتصادفني
وتذكرني .. وانا بنساك
__________
انا
مناف نذر
عبدالله الظفيري:
شكرآ عبود عالكلام الحلو وراح اخلي البنت تعلق عليك بنفسها تلبه لرغبتها...
,,,,,,,,,,,,,,,,,,,,,
البنت:
شكرآ اخوي عبدالله على كل اللي قلته سواء الكلام الأول او التعليق الثاني..
ممكن الناس تشوفني غلطانه بس وربي انا ماني غلطانه..
انا تحملت اشياء اعتقد ان الكل ماراح يتحملها..
لاتلوموني انا كنت صغيره ماعرف شي الا اني اقرا قصص وروايات الغرام..
وحالي حال اي بنت ابي اللي يداريني..
بتقول الأهل؟ بقولك : ايه انا معاك بس فيه شغلات الاهل ماقدر افاتحهم فيها..
انا ابي لما اخلص من هموم واتعاب يومي وبالليل اروح لغرفتي بنام واحط راسي عالمخده ابي اللي يسمعني ويخفف علي ثقل دنيتي..
ولقيت هالأنسان.. ليش ارده وانا اللي حلمت اني الاقيه؟
صارت مشاكل بينا وانا والله دايمآ اقوله.. انا اتحملك الحين ومستعده اتحملك لي باجر والدليل عشر سنين وانا متحمله..
بس قلتله اخاف من يوم خلاص ماقدر اتحملك خف علي شويه..
بس مالقيت اللي يرضيني.. ولجأت للثاني وانا مو مقتنعه فيه صدقني .. بس كنت ابي اللي يشغلني عن الاول..
بس سبحان الله ربك وماشاء فعل..حبيت الثاني رغم العيوب اللي فيه..
فعلا انا معاك لما تقول كل انسان مر بتجارب الحلوه والمره.. بس اتمنى اللي يعلقون على قصتي يحسون فيني شويه..
ومشكور عبدالله وكل اللي علق استفدت منهم كثير وشويه زعلت :)
,,,,,,,,,,,,,,,,,,,,,,,,,,,
الامبراطوره:
شكرآ عبدالله على تصحيح المعلومه.. تدري ادور عليك الزله بس ربك ستر :)
manaf:
شكرآ عزيزي على مرورك الكريم ..
وكلام حلو والأحلى صاحبه :)
اتمنى استمرار وجودك معاي بالبلوق..
وحياك الله :)
صباااح الخير والنوير على احلى بنت واحلى صديقة البنت الغاليه :)
الى البنت صديقة الغاليه :)
انا من اول تعليق لي وانا ما الومج لان هالشي نمر فيه وكل انسان مهما كان يحتاج لشخص يفضفضله ويقوله الي بداخله من غير خوف ولا حياء ,ونحتاج لشخص يفهمنا ويحب مصلحتنا ويحب يسمعلنا ويحب يعرف كل شي فينا ويطلعه ,,,
صح في شغلات مافي احد يقولها لاهله مهما كانت وهم اهله منه وفيه وعارفين وضعه وعارفين شلون يعيش بس هم مانقدر نقولهم اشياء تخص قلوبنا وتخصنا احنا نفسنا حتى لو تخصهم بس مانقدر نقولهم الي فينا لان في حاجز موجوود كبير مهما كان مانقدر انتجاهله مهما صار من مواقف ,,,
ما الومج ولا اقول انج غلطانه بس ابي اسالج واسال الناس كلهم هل المشكله والا الغلط لين يصير يصير من شخص واحد والا من شخصين واكثر؟؟
يعني لو واحد فينا غلط والثانيين سامحوه ونسوا هالغلطه راح تصير غلطه والا راح تصير مشكله ؟
مااعتقد راح نسميها غلطه راح نقول شي ما حصل ومضا ليس له ذكرى ولا اهميه بس لو غلطنا والناس هم اغلطوا وكبروا هالموضوع راح نسميها مشكله لان الجميع قاعدين يعطون هالشي اهميه واهي مالها داعي,,,,
يمكن مثل بعيد شوي بس انا اتكلم على الاساس يعني صح انتي موغلطانه بس في نسبه من الي صار انتي غلطتي فيه لازم ما انتجاهله وانعترف بينا وبين انفسنا ان في شي غلطنا فيه مهما كانت النتائج سلبيه او ايجابيه بس راح تكون ايجابيه حتى لو كانت سلبيه لاننا راح نكون صادقين مع انفسنا ,,,
الناس انواااع كثيره في الي يحس بالهم والضيقه ويمر بمشاكل ومواقف حرجه بس يطلع منها من غير مساعدة احد والي بقلبه يطلعه حق نفسه حتى لو في انسان بحياته ومهتم له بس مايقدر يصارحه بالي فيه لان متعود وان شخصيته يشكي من نفسه لنفسه ويخلي الي فيه بداخله ومايطلعه ,,,
وفي ناس حساسين ويحبون يطلعون الحب والعاطفه الي فيهم والاشياء الي متضايقين منها لناس يحبونهم حتى لو هالناس مو مهتمين فيهم على الاقل اهم نفسهم يحبونهم ويبون يطلعون الي بقلبهم لهم لان هذي شخصيتهم,,,
انا قلت واقوولج الحين يعطيها العافيه الامبراطوره على نقلها احساسج ومشاعرج ولحظاتج الي عشتيها لنا لاني جد حسيتها وشعرت فيها وانا ما الومج بس لازم تفكرين بنفسج وبمستقبلج بدل تفكيرج بغيرج مو قصدي انج تنسينهم وماتفكرين فيهم بالعكس عطيهم حقهم بس لا تنسين حق نفسج على نفسج ويصير اهتمامج بالغير اكبر من اهتمامج بنفسج,,,
انتي لازم تفكرين بينج وبين نفسج الطريق الي انا امشيه صح والا غلط حطي النقاط وشوفي اي طريق الي اهوا يعطيج الافضل واخذيه لا تسلكين الطريق الي يعطيج العاطفه والحب ومايعطيج مستقبل بحياتج بس عواطف وكلام وكلام ,,
في طريق يعطيج صورة مستقبلج وشنو راح تكونين وبعد هالمستقبل راح تلقين العاطفه والحب من ورا هالمستقبل لان مافي مستقبل من غير حب وعاطفه وراحة بال بس ماكوا حب وعاطفه وكلام بالهوا وراها مستقبل مهما كانت هالكلمات وهالعاطفه ,,,
مشكوره على ردج علي وعلى الاخوان وابيج تثقين كل التعليقات ماتلومج بالعكس مايقولون هالكلام الا يبون مصلحتج بس يمكن لبسوا هالتعليقات ثوب يكون فيه كله لوم يمكن طريقة التعليق شوي شديده عليج بس كلها تبي مصلحتج لو مايبون هالمصلحه ما اعتقد في احد علق ولا اهتم للامر ولج ,,,
في كلام قاسي شوي عليج بس هذا كله من خوفهم واندماجهم بالموضوع والقصه وهذا كله من الغاليه الامبراطوره خلتنا نندمج بهالقصه المؤثره,,,,,
يالامبراطوره يالغاليه ماراح تصيدين علي شي لان مافي شي علي يقووولج المثل لا تبوق لاتخاف,ويعطييييج العافيه على طلتج وخليتينا نحب اسلوبج بالتوفيق:)
بدت مع الاول غلط
وبدت مع الثاني غلط
الاول كانت طفله واهوا شكلها على كيفه واهيا رضت وتعلم اهوا على فرض رايه وعلى ان اللي جدامه راح تنصاعله فجأه ماقامت تحب طبعه؟!!!وطريقته
والثاني انا معاه اولا اشيبي بوحده
جذابه
جريئه انتي هم غلط اللي قاعده تسوينه واشكره جدام الله وخلقه واقفه مع اثنين
ستري على عمرج
على قولتهم على شينها قوات عينها
سامحيني اذا طبيت بصاحبتج شويه
........
الله يستر عليننا وعلى اهلنا وصديقاتنا وحبايبنا يارب
اخت ملاك يعطيج العافيه على التعليق وانا معاج بالفكره بس مو بالكلام لان كلام قوي مو نصيحه انتي قاعده تلومين انسانه ومو عارفه شنو الي مرت فيه صح غلطت بالعلاقتين بس ما نحملها الغلط كله بالعكس تتحمل جزء بسيط لانها كانت طيبه وكانت واثقه بغيرها وحبت تعيش قصه وعلاقه حب وكانت تتوقع لها المستقبل بس نست تفكر بالمستقبل وفكرة بالحاضر,,,
لين نبي نقنع احد بان الي سواه كله غلط لازم يكون بنصيحه وطريقه اهوا نفسه يقدر يفهمها ولا يكون بينا وبينه مشاده باي طريقه كانت,,,
اهي قالت قصتها عشان غيرها يتعض منها وعشان نتاكد ان هالعلاقات مالها اي فايده لانها مالها مستقبل ولازم نفكر بعلاقة تبتدي من الصفر وماتنتهي الا بكل حب وموده وهي الزواج وخاصه للبنات,,,
لان البنت لها قلب واحد تحب فيه ويكون حب لا شريك له اما الرجل فله قلبان يحب شخصين ونفس الحب ويكون حب صادق ,,,
مشكووره ياملاك بس ماتعتقدين انج قسيتي باسلوبج وطريقتج معاها ؟؟؟
عبدالله الظفيري:
انشالله يا عبدالله يجي اليوم واصيد عليك شي.. بس شي حلو اكيد :)
شكرآ على كلامك لرفيجتي.. وللمره الثانيه اهي اللي راح ترد عليك..
واذا تتسائل شلون اهي ترد في بلوقي؟ راح اقولك اني اعطيها الباسوورد وكلامي واهي تدخل تكتب الكلام اللي ابيه وتعلق بالكلام اللي اهي تبيه :)
اخليك مع البنت
,,,,,,,,,,,,,,,,,,,,,,,,,,,,,,
البنت:
يا هلا بعبدالله.. مساء الأنوار..
شكرآ مره ثانيه عالكلام اللي يريح والله...
شوف عبدالله اذا عن الغلط انا اعترف اني غلطانه..
بس تدري غلطانه بشنو؟؟ اني حبيت من قلب وما فكرت بنفسي ولا بمصلحتي..
كثير من الناس لاموني واهم مايعرفون شي..
والله لو يعرفون ماقالوا اللي قالوه..
بس بنفس الوقت انا اتقبل كلامهم برحابة صدر..
لاني انا اللي عرضت قصتي وهمي استفيد ما آرائكم..وكلها عالعين والراس ماقصرتوا..
اما عن الضيقه..انا كنت اسولف واسولف لكثير من الناس.. ومنهم اختي الأمبراطوره..
بس تعرف الواحد لما يوصل لحد معين ويقول خلاص ما عاد فيني اتحمل..
هذه انا يا عبدالله تحملت شكثر بس انا انسان ولي طاقه معينه وبعدها انفجر..
وشلون انفجرت انا؟
بأشياء كثيره .. من ضمنها اني دورت على بديل ارتاح معاه من صوب ومن صوب ثاني اغيض اللي كنت احبه..
شلون اغيضه؟اني اقول خلاص ماعدت له ولا يقدر يتحكم فيني..
وانشالله انا الحين اشوف مصلحتي انا.. واشوف مستقبلي.. والله يكتب اللي فيه خيره..
وشكرآ على ردك على ملاك :)
ملاك:
هلا وغلا بالنور كله..
شرفتيني حبيبتي بزيارتج لي..
واحنا ماناخذ على خاطرنا بالعكس كلها وجهات نظر نحترمها وناخذ اللي نستفيد منه :)
اتركج مع البنت عشان تعلق على كلامج تلبيه لرغبتها مثل الأخ عبدالله :)
,,,,,,,,,,,,,,,,,,,,,,,,,,,,,
البنت:
اهلين ملاك..
شكرآ عالتعليق اللي صح ممكن انه قاسي علي شويه..
بس عزاي انج ماتعرفين شنو انا بالضبط وشنو اللي صاير معاي..
واذا تبين تعرفين عادي انا اقولج كل شي وبعدها انا متأكده انج راح تقولين الغلطان مو انا ألا اهو..
اولآ: الله امر بالستر صح ملاك.. بس شفتيني ذكرت اسمي؟ ولا اصلي؟ ولا وين ساكنه؟ تيلفوني؟ دوامي؟ شكلي؟
شفتيني وقفت بالشارع واقول بصوت عالي تعالوا يا ناس شوفوني انا فلانه اللي صار معاي كيت وكيت ؟
ولا قعدت بمكان كله ناس واقول قصتي علانيه؟
واذا تقولين انتي واقفه اشكره مع اثنين جدام الناس علانيه.. وعلى شينه قوات عينه.. بقولج ان الأخت الأمبراطوره ذكرت اني كنت واقفه بمكان "صاد عن الناس"يعني خاص فيني..
ولا احد حوالي..ولما جبت الاول لنفس المكان...كنت ادري انه راح تصير هوشه.. وعشان جذي اخترت مكان بعيد عن الناس..
يعني سترت على نفسي ومافضحتها مثل ما تقولين..
واذا انا ناشره قصتي بالبلوق مال رفيجتي.. فهذا معناه ابي النصيحه والشور في شي صار..ذكرياته قامت تطرالي الحين..
انتي تقولين بديت مع الأول غلط..تدرين شنو الغلط؟ اني طعته في كل شي..
وانتي يا ملاك لو يكون عندج انسان في حياتج تحبينه وماتقدرين تستغنين عنه سواء ابوج ولا امج ولا عزيز ولا زوج ولا حبيب ..شي اكيد راح تشترين رضاه وما تزعلينه...
هذا اللي صار معاي بالضبط..
انتي تشوفينه غلط.. بس هذا اللي راح يصير مع اي انسان يحب..
اما قولتج اني جذابه عشان جذي انتي مع الثاني
"شنو يبي بوحده جذابه" اقولج انا لو اني جذابه مافاتحته بالموضوع من الأول واعتمدت عليه في حله.
ويقولج المثل "لولا اختلاف الأذواق لبارت السلع"
"والأختلاف في الرأي لايفسد للود قضيه"
وانا اقولج عزيزه وغاليه يا ملاك اشكرج حيل على تعليقج اللي خلاني اعرف انه فيه ناس ممكن تظلمني بأعتقادها لأني ما وضحت لهم الصوره بشكل صحيح,,
واهم مالهم ذنب بس يعلقون على اللي يقرونه :)
شكرآ مره ثانيه ماقصرتي :)
امممممم
الحب أرقى من جذي !
شلون تحب اثنين ورا بعض !
شلون تتخلى بهالسهولة !
وشلون تبدي بعلاقة يديدة بهالسرعة !
صدقيني الحب أرقى
ما اسمي اللي مرته رفيجتج حب
أي شي ثاني ماعدا حب
صباح الخير يالغاليه :)
شنو مافي شي جديد موضوع او شعر او قصه والا تبين تتغلين علينا ؟؟؟
بالتوفييييييق
شهد:
عزيزتي الغاليه..
يا مساء الشهد والحب والله :)
اولآ اشكرج على موضوعج اللي كتبتيه..فعلآ روعه..
ثانيآ عزيزتي الغاليه؟؟ انا اختصرت الموضوع وقلتلكم انها كلمت الثاني بس ما وضحتلكم متى كلمته..
وآسفه الغلط من عندي..
ياطويلة العمر..السنه العاشره من حبها كانت سنة خلافات..
وكانت تتركه اسبوع وشهر..
واهو يرد لها وتسامحه..
وتقوله الحال هذا مايصير يستمر جذي لازم تشوف لك حل..
بس مايسمع "عمك اصمخ" شتسوي؟؟ :(
يعني السنه الاخيره كانت كلها مقاطعه وهجر..
ولما كلمت الثاني كانت تاركه الأول من 3 شهور..
يعني خلاص ماعندها علاقه مرتبطه فيها..
عشان جذي كان همها تدور الصدر اللي يلم همومها..
وتبرد حرتها من الأول فيه..
بس صار اللي صار..
ماكان قصدها تبني علاقتين في وقت واحد لأنها اهي ضد هالحركه..
وشكرآ شهوده على مرورج وتعليقج,,
اتمنى يستمر تواصلج معاي :)
عبدالله الظفيري:
هلا ومرحبا والله..
انت اللي وين موضوعك اللي صارلك شهر تقول بنزله؟؟!!
انت اذا كتبت وعلقت عليك ..
ذيج الساعه انا راح اكتب كل اللي تبيه.. افااا عليك انت تامر بس :)
أتمنى ردي يوصل يالامبراطورة لانه دايما يعلق عندي وما يوصل ,,
بخصوص المشكلة
برايي البنت كانت ضحية ظروف
هي اللى شكلت موقفها
وما أقدر أزيد لانه الأخوان ولأخوات ما قصروا بالردود
لكن
حبيت ابدي اعجابي بالابيات هذي
"صـمـت الـلــــيل"
بين صمت الليل وسطور الورق....
في ظلام صار لأفكاري طريق....
ذابت الأنوار والشمع أحترق....
والدقايق تمضي و وقتي يضيق....
وشفت نفسي ضايع بهم وأرق....
شفت واقع حالتي صارت حريق....
حالتي مثل الذي مات بغرق....
كان يغطس لجل ينقذ له غريق....
روعة وقمة في المعاتي والوصف
صح اللسانج يالامبراطورة الغالية
بصراحة
انتي والبنت والي يتناقش معاكم فاضي
لوووووول
بنية تعرف وااحد وعمرها 15
ماشاء الله خووش بنت
لوووووووووول
لا وانتي تقولين لها ليش الشبااب يتحرشوون فييج وماتتحركيين لووووول
لانها تحب فلان
لوووووووول اكثر
لا وواحد شاافها بالكلية وقالها بكلمج ولانها زعلانة مع حبيبها
تبي تحاجييه لووووووووووووووول عشر مرات
وواحد انحاش جدامهاا
تتم تحاجييه لوليييييييييييين وعشرة بعد
لا وبعد تعرف مكان صاد عن العالم تقعد فييه مع رفيييحهاا خوووش حجي
لوووول
لا واحلى شي البنت
او النك مال الي تعلق البنت
لوووووووول
انا اقوول احس تمسونها حسحوسة
بحواركم
هل انتي مع الجرأه بالبلوقات
شاركينا بتعليقك
aldenya:
يامساء الخير والجوري..
وصل ردج يالغاليه ونورتيني والله بزيارتج اتشرف فيها..واتمنى انها تستمر :)
وشكرآيالدنيا انج اثرتي نقطة الظروف..اللي ممكن انها تأثر على الواحد سلبآ او ايجابآ..
وصح بدنج ماقصرتي :)
اتمنى الزياره تستمر :)
مجهول:
ياهلا ومرحبا..
اراح ارد على لوووووولاتك :)
اولا: لا تتناقش معانا لووووول
ثانيا: الحب اذا وصلنا مانقدر نمنعه لوووولين
ثالثا:
كل بنت تحب انها تكون مميزه عن غيرها..واللي شفته انها ماكانت تحسب حساب حق الشباب..وهذا مو معناه اني اقولها كلمي!! لأ قصدي كان ليش البرود واللامبالاه هذه؟؟!!
3 لوووولات
رابعا:
الواحد هذا اللي تقول عنه.. ابدى اعجابه فيها..وماكان يدري انها متزاعله مع رفيجها عشان يكلمها ويستغل الفرصه..
4 لوووووولات
خامسآ:
مكان صاد عن العالم معناه مو بحديقة الجامعه.. اذا دخلت الجامعه تعرف شنو اقصد ...
5 لووووولات
سادسآ:
تعليق البنت كان بأحساسها..هي اللي تبي تنقله لكم..وكانت رغبتها :)
6 لوووولات
سابعآ:
"انا اقول احس تمسونها حسحوسه بحواركم"
وانا اقولك :
"مافمت وضح"
شكرآ لمرورك الكريم مجهول.. واتمنى تعيدها وتعلق اكثر واكثر وتكثر من لووووولاتك :)
DONT PLAY BOY:
حياك الله يالغالي..
انا مع الجرأه اذا كانت بحدود وعدم التخطي على الغير :)
شاكره مرورك :)
يالله نزلنا الموضوع وعلقتي عليه ومااشوفج نزلتي موضوع جديد ؟؟
عبدالله الظفيري:
!_! !_!
انطر شويه بس :)
مساالخير والاحساس والطيبه
مساء مايليق الا
بالامبراطوره الغاليه
غاليتى
كم انت رائعه،وكم هو رائع ذلك الحب الجميل الذى كان بين
صديقتك وحبيبها الاول
غاليتى
ليس من المعقول ان نهدم عشرة عشر سنوات بهذه السهولة
حتي لو كانت بينهم مشاجرات
عمره الحب الصادق النابع من أقصى مدى بالضمير يموت بهالسهوله
غاليتى الامبراطوره
اتمني ان تكون صديقتك باحسن حال وان تتمكن من العثور على ذاتها الحقيقيه
اعذرينى للاطاله
ودمت يالغاليه
:))))))))اقرى ردى عليج بمدونتي يموضوعى الاخير
فراوله:
يا هلا يا هلا ياهلا بالفراوله والله..
يا مساء الخير ..
يا مساء العذوبه..
يا مساء الحلا كله..
وربي ذوق بكل شي تقولينه..
هذا اللي اقدر ارد عليج فيه ومايوفي حقج ^_^
فعلآ اشكر مرورج حبيبتي واتمنى ماتقاطعيني :)
فدوة عيونك لو غدت روح مغليك
وش عاد لو راحت لعينك عشاير
ابيع ما يغلى على الكون و اشريك
و اسوق لَى جتني علومك بشاير
و ازعّل جميع الناس بالحيل و ارضيك
و اصبر ولو دارت علَيّ الدّواير
و آخذ من ايّامي لك ايام واعطيك
وان راح عمري لك فلا هو خساير
احب انا شوفك و صوتك و طاريك
دايم وفكري فيك هايم وحاير
بالصمت اهوجس بك و بالصوت اناديك
و الله عليم البيّنه و السّراير
انا و قلبي و الهوى بين اياديك
عندك مفاتيح الهنا للضماير
من روحي احبك ومن روحي افديك
يامن غرامه و الحسن فيه ثاير
إرسال تعليق